नेपालगञ्जमा कांग्रेसको बृहत् विरोध प्रदर्शन

राजनीति

गृहपृष्ठ
राजनीति
नेपालगञ्जमा कांग्रेसको बृहत् विरोध प्रदर्शन

नेपालगञ्जमा कांग्रेसको बृहत् विरोध प्रदर्शन

भ्रष्टाचारको आहालमा चुर्लुम्म डुबेको सरकारबाट जनताले निराशा बाहेक केही पाउँदैनन्ः कोइराला

सोमबार, मंसिर २९, २०७७ बागेश्वरी पोस्ट

नेपालगञ्ज । प्रमुख प्रतिपक्ष दल नेपाली कांग्रेसले आज नेपालगञ्जमा पनि बृहत् विरोध प्रदर्शन गरेको छ । कांग्रेसले सरकारले जनविरोधी काम गरेको भन्दै आज देशव्यापीरुपमा प्रदर्शन गरेको हो ।

नेपालगञ्ज सुर्खेतरोडस्थित पार्टी कार्यालयबाट शुरु भएको विरोध प्रदर्शन विपी चोक, धम्बोझी चोक, घरबारीटोल, त्रिवेणीमोड, सदरलाइन हुँदै जिल्ला प्रशासन कार्यालय अगाडि पुगेर विरोधसभामा परिणत भएको थियो । कांग्रेस बाँकेकी सभापति किरण कोइरालाको नेतृत्वमा भएको बृहत् प्रदर्शनमा गाउँगाउँबाट आएका हजारौं नेता कार्यकर्ता सहभागी थिए ।

विरोधसभालाई सम्बोधन गर्दै सभापति कोइरालाले भ्रष्टाचारको आहालमा चुर्लुम्म डुबेको सरकारबाट जनताले निराशा बाहेक केही नपाउने बताउनुभयो । सुशासनबाट च्युत भइसकेको केपी ओली नेतृत्वको सरकार सत्ताको लडाईंमा केन्द्रित भएको भन्दै सभापति कोइरालाले जनतालाई झुक्याएर झण्डै दुई तिहाई बहुमत पाएपनि जनमतको अपमान गरेको टिप्पणी गर्नुभयो ।

उहाँले भन्नुभयो, "केपी ओलीलाई कुर्सी जोगाउने चिन्ता छ अनि कसरी मुलुक बनाउने चिन्ता होस्, लुट्ने उद्देश्यले सत्तामा गएकाबाट के अपेक्षा गर्ने ?"