राप्तीको पानी नेपालगञ्ज ल्याउने आयोजनाको ढिलाईप्रति मेयर राणाको चासो

समाचार

गृहपृष्ठ
समाचार
राप्तीको पानी नेपालगञ्ज ल्याउने आयोजनाको ढिलाईप्रति मेयर राणाको चासो

राप्तीको पानी नेपालगञ्ज ल्याउने आयोजनाको ढिलाईप्रति मेयर राणाको चासो

बुधबार, माघ ७, २०७७ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख डा. धवलशम्शेर राणाले राप्तीको पानी नेपालगञ्ज ल्याउने आयोजनामा भइरहेको ढिलाईप्रति गम्भिर चासो ब्यक्त गर्नुभएको छ । नेपालगञ्जस्थित खानेपानी डिभिजन कार्यालय र खानेपानी संस्थानका प्रमुखहरु सहभागी कार्यक्रममा नगर प्रमुख राणाले बर्षौं पहिले पाइप खरिद भएपनि आयोजनामा भईरहेको ढिलाईप्रति चासो ब्यक्त गर्नुभएको हो । वाटर, सेनिटेसन एण्ड हाइजिन फाइनेन्स(वासफिन)ले आज नेपालगञ्जमा आयोजना गरेको कार्यक्रममा नगर प्रमुख राणाले राप्तीबाट नेपालगञ्जभित्र पिउने पानी आउने सुनिश्चितता नभई नेपालगञ्जका सडक खन्न नदिइने स्पष्ट पार्नुभयो । सो अवसरमा राणाले खानेपानी व्यवस्थापनको जिम्मा अहिलेको अवस्थामा स्थानीय तहले पूरा गर्न नसक्ने भन्दै संघीय र प्रदेश सरकार अन्तर्गतका निकायहरु अझ बढी जिम्मेवार हुनुपर्नेमा जोड दिनुभयो । वासफिन नेपालले नेपालगञ्जको खानेपानी आपूर्तिको अवस्था, खानेपानी आपूर्तिमा भइरहेको प्रयास लगायतका विषयमा केन्द्रित रही प्रारम्भिक निष्कर्ष र सुझावसहितको अध्ययन प्रतिवेदन सार्वजनिक गरेको हो । वासफिन नेपालका टिम लिडर गंगा दत्त नेपाल र प्राविधिक सल्लाहकार सुदर्शन भण्डारीले अध्ययन प्रतिवेदन सार्वजनिक गर्नुभएको हो । वासफिन नेपालको प्रतिवेदनमाथिको छलफलमा सहभागी जनप्रतिनिधिहरुले नगरभित्र खानेपानीको सही व्यवस्थापन हुन नसकेको भन्दै सम्वद्ध कार्यालयको ध्यानाकर्षण गराउनुभएको थियो ।

प्रकाशित मिति: बुधबार, माघ ७, २०७७ १९:३५

प्रतिक्रिया दिनुहोस्