अग्रगमनको खोल ओढेर प्रतिगमनकारी बने कम्युनिस्टहरू : नेता गिरी

राजनीति

गृहपृष्ठ
राजनीति
अग्रगमनको खोल ओढेर प्रतिगमनकारी बने कम्युनिस्टहरू : नेता गिरी

अग्रगमनको खोल ओढेर प्रतिगमनकारी बने कम्युनिस्टहरू : नेता गिरी

शनिबार, माघ २४, २०७७ बागेश्वरी पोस्ट

पोखरा । नेपाली काँग्रेसका केन्द्रीय सदस्य तथा पूर्वमन्त्री दीपक गिरीले नेपालमा कम्युनिस्टहरूले अग्रगमनको खोल ओढेर प्रतिगमनकारी हर्कतहरू गरीरहेको वताउनु भएको छ ।

नेपाली कांग्रेस कास्कीका शुभेच्छक संस्थाहरूले पोखरामा आयोजना गरेको विरोध सभालाई प्रमुख अतिथिको रूपमा संवोधन गर्दै कांग्रेस पार्टी मात्र सक्ली राजनीतिक दल र कम्युनिस्टहरू प्रतिगमनकारी भएको गिरीले जिकिर गर्नु भएको हो । “कम्युनिस्टहरूको हर्कतले यो सत्य साबित गरिदिएको छ कि- देश र जनताको स्वाधीनता, अस्तित्व र लोकतन्त्रको संरक्षण र संवर्द्धन गर्ने नेपाली कांग्रेस मात्रै हो। मुलुक डामाडोल भएको यस विषम परिवेशमा सक्ली राजनीतिक दल र न्यायपालिका एक हुनुको विकल्पै छैन।” गिरीले भन्नु भयो “ केपी, प्रचण्ड दुवै समूह प्रतिगमनकारी, अधिनायकवादी र खलनायक हुन१ देश र जनता डस्ने विषालु सर्प हुन। एउटा सर्प सत्तामा बसेर र अर्को सर्प सडकबाट बन्द, हडताल गरेर देशलाई तहसनहस गरीरहेकाछन् । अब यी विषालु सर्पलाई ठिक गर्न नेपाली कांग्रेस भ्याक्सिन बन्न सक्नु पर्छ।”

सो विरोध सभामा नेपाली कांग्रेसका नेताहरू यज्ञ बहादुर थापा, कृष्ण केसी, प्रगतिमान रंजित लगायत अन्य नेता कार्यकर्ताहरूको उपस्थिति रहेको थियो।

प्रकाशित मिति: शनिबार, माघ २४, २०७७ १६:११

प्रतिक्रिया दिनुहोस्