योगिनी खुला पुरुष भलिबलको उपाधि एफसी स्टारलाई

खेलकुद

गृहपृष्ठ
खेलकुद
योगिनी खुला पुरुष भलिबलको उपाधि एफसी स्टारलाई

योगिनी खुला पुरुष भलिबलको उपाधि एफसी स्टारलाई

शनिबार, माघ २४, २०७७ बागेश्वरी पोस्ट

नेपालगन्ज । खजुरा गाउँपालिका–२, गौघाट बाँकेमा संचालित प्रथम योगिनी खुला पुरुष अन्तर भलिबल प्रतियोगिताको उपाधि एफसी स्टारले जितेको छ ।

फाइनलमा ध्रुवतारा बोर्डिङ स्कुललाई हराउँदै एफसीले उपाधि उचालेको हो । फाइनलमा एफसीले ध्रुवतारालाई २५–१५, २५–१९ र २५–२३ सेटले हराएको हो । एफसी र ध्रुवताराबीच फाइनलको दुई राउण्ड बराबरी रहेको थियो । अन्तिम राउण्डको पहिलो चरणमा ध्रुवताराले एफसीविरुद्ध ६–१ सेटको अन्तर बनाउन सफल भएतापनि खेलाडीको तालमेल नमिल्नाले ध्रुवतारा उपाधिबाट वञ्चित बन्यो ।

विजेता बनेको एफसीले नगद २१ हजारसहित ट्रफी प्राप्त ग¥यो । उपविजेताले नगद १० हजार रुपैयाँमै चित्त बुझाउनु प¥यो । खेलमा सर्वोत्कृष्ट खेलाडी ध्रुवताराका सुवास हमाल भए । उनले नगद पाँच हजार रुपैयाँ प्राप्त गरे ।

साथै खेलमा बेष्ट ब्लकर एफसीका मनिराम चौधरी, वेष्ट स्पाइकर एफसीका ललित विक, बेष्ट डिफेण्डर ध्रुवताराका कृष्ण गिरी, वेष्ट सर्भर न्यू जागृतिका किरण बुढाथोकी र बेष्ट सेटर एफसीका भरत विक भए । सेमीफाइनलमा एफसीले न्यू जागृति युवा क्लबलाई पराजित गरेर फाइनलको यात्रा तय गरेको थियो भने ध्रुवताराले मुस्कान क्लबलाई अहराएको थियो ।

रंगशाला नेपाल मिडिया प्रालि र योगिनी युवा क्लबले आयोजना गरेको प्रतियोगितामा बाँकेका ११ वटा टिमको सहभागिता रहेको थियो । प्रतियोगितमा संजय स्मृति प्रतिष्ठानको प्रायोजन र न्यू एभरेष्ट डिस्लरीले सह–प्रायोजन गरेको थियो ।

खजुरा गाउँपालिकाको समन्वयमा भएको प्रतियोगितामा बाँके जिल्ला भलिबल संघले प्राविधिक सहयोग गरेको प्रतियोगिता संयोजक दिलिप महताराले बताउनुभयो ।

प्रकाशित मिति: शनिबार, माघ २४, २०७७ २०:४७

प्रतिक्रिया दिनुहोस्