राष्ट्रियताविरुद्ध देशभित्रैका शत्रुहरु लागे, म माथि शारीरिक हमला हुनसक्छ : ओली

राजनीति

गृहपृष्ठ
राजनीति
राष्ट्रियताविरुद्ध देशभित्रैका शत्रुहरु लागे, म माथि शारीरिक हमला हुनसक्छ : ओली

राष्ट्रियताविरुद्ध देशभित्रैका शत्रुहरु लागे, म माथि शारीरिक हमला हुनसक्छ : ओली

सोमबार, फागुन १७, २०७७ बागेश्वरी पोस्ट

पोखरा । प्रधानमन्त्री केपी शर्मा ओलीले आफूमाथि शारीरिक हमला हुन सक्ने बताएका छन् ।

सोमबार पोखरामा प्रधानमन्त्री ओलीले गण्डकी प्रदेशस्तरीय कार्यकर्ता भेलालाई सम्बोधन गर्दै आफूमाथि शारीरिक हमला हुनसक्ने र त्यस्तो भए अन्यथा नलिन भनेका छन् ।

उनले भने, ‘सही ढंगले सरकारको नेतृत्व गरेको हुनाले, ममाथि प्रहार भइरहेको छ । अत्यन्त तिव्र प्रहार भएको छ,’ ममाथि शारीरिक हमला भयो भने पनि तपाइँहरू अन्यथा नलिनु होला । तर, त्यस्तो हुन दिँदैन । म रहिन भने पनि पार्टी छ । नेतृत्व छ । देश बनाउने पार्टीको भविष्य अन्धकारमा जान दिन हुँदैन ।’ उनले दाहाल नेपालले आफूमाथि झुटा आरोप लगाएको समेत बताएका छन् ।

ओलीले देशलाई साँच्चै नै माया गरेको बताउँदै देशको भौगोलिक अखण्डतालाई रक्षा गर्न राष्ट्रियताको सवालमा एकजुट हुन खोज्दा देशका शत्रुहरु यसविरुद्ध लागिपरेको टिप्पणीसमेत गरे । उनले भने, ‘राष्ट्रियताको सवालमा हामी सार्वभौमिकता, स्वाधीनता, राष्ट्रिय अखण्डताको हामी दृढताका साथ रक्षा गर्छौ । तर, राष्ट्रियताको सवालमा आफूहरु एकजुट हुन खोज्दा केही देशका शत्रुहरु यसविरुद्ध लागिपरेका छन् । जनताबीचको एकता र उन्नती देख्न चाहेका छैनन् ।’

उनले आजै नदीपुरस्थित गण्डकी प्रदेश प्रशिक्षण प्रतिष्ठानको भवन शिलान्यास गर्नाका साथै पोखरा रङ्गशालाको स्थलगत निरीक्षणसमेत गर्ने छन् ।

प्रकाशित मिति: सोमबार, फागुन १७, २०७७ १७:१८