प्रधानमन्त्री कप महिला भलिबलको दोस्रो खेलमा आर्मी विजयी

खेलकुद

गृहपृष्ठ
खेलकुद
प्रधानमन्त्री कप महिला भलिबलको दोस्रो खेलमा आर्मी विजयी

प्रधानमन्त्री कप महिला भलिबलको दोस्रो खेलमा आर्मी विजयी

शुक्रबार, फागुन २१, २०७७ बागेश्वरी पोस्ट

नेपालगन्ज । सातौं प्रधानमन्त्री कप अन्तर्राष्ट्रिय महिला भलिबल प्रतियोगितामा त्रिभुवन आर्मी क्लबले विजयी सुरुवात गरेको छ । आजदेखि नेपालगन्जमा सुरु भएको प्रतियोगिता अन्तरगत् दोस्रो खेलमा आर्मीले लुम्बिनी प्रदेशलाई ३-० को सोझो सेटमा हराएको हो । यसअघि आज सम्पन्न पहिलो खेलमा नेपाल पुलिस क्लबले पनि विजयी सुरुवात गरेको थियो । न्यु डायमण्डलाई ३-२ को सेटमा हराउँदै पुलिसले विजयी सुरुवात गरेको हो । फागुन २५ गतेसम्म चल्ने प्रतियोगितामा नेपाल पुलिस क्लब, सशस्त्र प्रहरीको एपिएफ क्लब, त्रिभुवन आर्मी, न्यु डायमण्ड र लुम्बिनी प्रदेश सहभागी छन् । प्रतियोगिताको विजेताले ५ लाख पुरस्कार पाउनेछ । त्यस्तै उपविजेताले २ लाख, तेस्रोले १ लाख र चौथो स्थान हासिल गर्नेले ५० हजार पाउने आयोजक बाँके जिल्ला भलिबल संघले जनाएको छ ।

प्रकाशित मिति: शुक्रबार, फागुन २१, २०७७ २२:०२