प्रधानमन्त्री कप महिला भलिबलमा एपीएफको दोस्रो जित

खेलकुद

गृहपृष्ठ
खेलकुद
प्रधानमन्त्री कप महिला भलिबलमा एपीएफको दोस्रो जित

प्रधानमन्त्री कप महिला भलिबलमा एपीएफको दोस्रो जित

न्यु डायमण्डले पहिलो जित निकाल्यो

आइतबार, फागुन २३, २०७७ बागेश्वरी पोस्ट

नेपालगन्ज । नेपालगन्जमा जारी सातौं प्रधानमन्त्री कप महिला भलिबल प्रतियोगितामा विभागीय टोली सशस्त्र प्रहरीको एपीएफ क्लबले लगातार दोस्रो जित निकालेको छ । आज भएको दोस्रो खेलमा एपीएफले कमजोर मानिएको लुम्बिनी युनाइटेडमाथि ३-० को सोझो सेटमा जित निकाल्यो । पुलिसले २५-८, २५-१२ र २५-८ को सेटमा विजय हासिल गरेको हो । लुम्बिनीको प्रतियोगितामा लगातार तेस्रो हार हो । आजै भएको पहिलो खेलमा न्यु डायमण्डले त्रिभुवन आर्मीलाई पराजित गर्दै पहिलो जित निकालेको छ । प्रतिष्पर्धात्मक न्यु डायमण्डले ३-१ को सेटमा आर्मीलाई हराएको हो । फागुन २५ गतेसम्म चल्ने प्रतियोगितामा नेपाल पुलिस क्लब, सशस्त्र प्रहरीको एपिएफ क्लब, त्रिभुवन आर्मी, न्यु डायमण्ड र लुम्बिनी प्रदेश सहभागी छन् । प्रतियोगिताको विजेताले ५ लाख पुरस्कार पाउनेछ । त्यस्तै उपविजेताले २ लाख, तेस्रोले १ लाख र चौथो स्थान हासिल गर्नेले ५० हजार पाउने आयोजक बाँके जिल्ला भलिबल संघले जनाएको छ ।

प्रकाशित मिति: आइतबार, फागुन २३, २०७७ १७:५०

प्रतिक्रिया दिनुहोस्