ओलीले खोसे नेपाल पक्षका सबै पदाधिकारी र प्रदेश इन्चार्जको जिम्मेवारी

राजनीति

गृहपृष्ठ
राजनीति
ओलीले खोसे नेपाल पक्षका सबै पदाधिकारी र प्रदेश इन्चार्जको जिम्मेवारी

ओलीले खोसे नेपाल पक्षका सबै पदाधिकारी र प्रदेश इन्चार्जको जिम्मेवारी

शुक्रबार, फागुन २८, २०७७ बागेश्वरी पोस्ट

फाइल फोटो

नेपालगन्ज।एमाले अध्यक्ष केपी शर्मा ओलीले वरिष्ठ नेता माधवकुमार नेपाल पक्षलाई गतिलो प्रहार गरेका छन्।

ओलीले नेपाल पक्षलाई ‘बाइपास’ गर्दै केन्द्रीय समिति बैठकबाट उनी पक्षीय नेताहरूको जिम्मेवारी खोसेका छन् । नेपाल पक्षलाई जानकारी नै नदिई बसेको बैठकमार्फत ओलीले पार्टीको महासचिव पद कायम राखेर सबै पदाधिकारी भङ्ग गर्दै महाधिवेशनको मिति तोकेको हो ।

बैठकले विदेश विभाग प्रमुखबाट नेपालको जिम्मेवारी खोसिएको छ । सो जिम्मेवारी राजन भट्टराईलाई दिएको छ । बैठकले नेकपा माओवादी केन्द्रबाट एमालेमा ओली पक्षमा खुलेका रामबहादुर थापा ‘बादल’लाई बागमती प्रदेशको इन्चार्ज बनाइएको छ । उनीसँगै पूर्व माओवादीका २३ जना नेता एमालेको केन्द्रीय कमिटीमा मनोनीत भएका छन् ।

यसै गरी एमाले अध्यक्ष ओलीले सातै प्रदेशका इन्चार्ज र सह इन्चार्जमा पनि जिम्मेवारी हेरफेर गरेका छन् । जसअनुसार प्रदेश इन्चार्जहरूमा प्रदेश १ मा सुवास नेम्वाङ, प्रदेश २ मा सत्यनारायण मण्डल, गण्डकीमा पृथ्वी सुब्बा गुरुङ, लुम्बिनीमा शङ्कर पोखरेल, कर्णालीमा मणि थापा र सुदूरपश्चिममा लेखराज भट्ट इन्चार्ज तोकिएका छन् ।

यसअघि प्रदेश १ मा भीम आचार्य इन्चार्ज थिए । यसै गरी बागमतीमा नेतृ अष्टलक्ष्मी शाक्य इन्चार्ज थिइन् । उनी नेपाल पक्षमा छिन् । यसै गरी कर्णालीमा युवराज ज्ञवाली इन्चार्ज थिए । उनी पनि नेपाल निकटकै हुन । यस्तै सुदूरपश्चिममा भीम रावल इन्चार्ज थिए । उनीसमेत नेपाल पक्षकै हुन् ।

नेकपा विभाजनपछि ओली पक्षले बनाएका सबै कमिटी र जनसङ्गठनका नेतृत्वसमेत हाललाई यावत रहने अध्यक्ष ओलीले बैठकमा जानकारी दिएका छन् ।

प्रकाशित मिति: शुक्रबार, फागुन २८, २०७७ १८:३३