एन्फा प्रेसिडेन्ट लिग: मनकामना युवा क्लब रौतहटको पहिलो जीत

खेलकुद

गृहपृष्ठ
खेलकुद
एन्फा प्रेसिडेन्ट लिग: मनकामना युवा क्लब रौतहटको पहिलो जीत

एन्फा प्रेसिडेन्ट लिग: मनकामना युवा क्लब रौतहटको पहिलो जीत

मंगलबार, चैत १०, २०७७ बागेश्वरी पोस्ट

नेपालगन्ज । प्रदेश नम्बर २ को च्याम्पियन मनकामना युवा क्लब रौतहटले कर्णाली प्रदेश च्याम्पियन लेकाली युवा क्लब जुम्लालाई १–० ले पराजित गरेको छ ।

मनकामनाको तर्फबाट भुवन बस्नेतले ३७औं मिनेटमा गोल गरेका थिए । पेनाल्टी अवसरमा भुवनले गोल गर्दै टोलीलाई अग्रता दिलाएका थिए । प्रतियोगितामा मनकामनाले पहिलो जीत निकालेको हो । जीतसँगै मनकामनाले ३ अंक जोडेको छ । लेकालीले भने अहिलेसम्म जीत हासिल गर्न सकेको छैन । खेलमा लेकाली युवा क्लबका कप्तान युद्ध शाही म्यान अफ द म्याचबाट पुरस्कृत भए । उनलाई लुम्बिनी फुटबल संघका उपाध्यक्ष सुर्यमणि अधिकारीले पुरस्कृत गर्नुभयो ।

लगातार हारको सामना गरेपनि मनकामनाले आज लेकाली विरुद्ध सम्हालिएर खेलेको थियो । यसअघिका तीन खेलमा मनकामना युवा क्लब रौतटह स्टार सिटी, धम्बोझी क्लब र धादिङ समाज संगको तीनै खेलमा ३–० ले पराजित भएको थियो । लेकाली युवा क्लब भने झापाको सैनिक युथ क्लबसँग १–१ को बराबरी खेल्दै १ अंक बटुलेको थियो । लेकाली धादिङ समाज विरुद्धको खेलमा ९–१ ले पराजित भएको थियो भने त्रिवेणी युवा क्लब लमजुङसँग २–१ खेल गुमाएको थियो ।

चैतको १५ गतेसम्म चल्ने प्रतियोगितामा प्रदेश नम्बर १ को सैनिक फुटबल क्लब झापा, प्रदेश नम्बर २ को मनकामना युवा क्लब रौतहट, प्रदेश नम्बर ३ को धादिङ समाज धादिङ, प्रदेश नम्बर ४ बाट त्रिवेणी युवा क्लब लमजुङ, लुम्बिनी प्रदेशबाट धम्बोझी युवा क्लब बाँके, प्रदेश नम्बर ६ को लेकाली युवा क्लब जुम्ला र सुदुर पश्चिम प्रदेशको स्टार सिटी युवा क्लब कैलालीले प्रतिष्पर्धा गरिरहेका छन् । प्रतियोगिताको विजेताले १० लाख रुपैयाँ र उपविजेता टोलीले ५ लाख रुपैयाँ पाउनेछन् ।

अखिल नेपाल फुटबल संघले आयोजना गरेको पहिलो प्रतियोगिता हो एन्फा प्रेसिडेन्ट लिग । यस प्रतियोगिताको शीर्ष चार टोलीले राष्ट्रिय लिगमा प्रतिष्पर्धा गरिरहेका छन् ।

प्रकाशित मिति: मंगलबार, चैत १०, २०७७ २०:४४

प्रतिक्रिया दिनुहोस्