एन्फा प्रेसिडेन्ट लिग: स्टार सिटी एक खेल अगावै च्याम्पियन

खेलकुद

गृहपृष्ठ
खेलकुद
एन्फा प्रेसिडेन्ट लिग: स्टार सिटी एक खेल अगावै च्याम्पियन

एन्फा प्रेसिडेन्ट लिग: स्टार सिटी एक खेल अगावै च्याम्पियन

शुक्रबार, चैत १३, २०७७ बागेश्वरी पोस्ट

फाइल फोटो

नेपालगन्ज । मनकामना युवा क्लब रौतहटले एन्फा प्रेसिडेन्ट लिग २०७७ मा त्रिवेणी युवा क्लब लमजुङलाई आज २–१ ले पराजित गरेको छ । अर्को खेलमा प्रदेश नम्बर १ को सैनिक युथ क्लब झापाले बागमती प्रदेशको धादिङ समाज धादिङलाई २–० ले पराजित गरेको छ ।

सैनिकको जितमा जीवन गुरुङले ३६ औं मिनेट र सुरज सिंह ठकुरीले ९३औं मिनेटमा गोल गरेका थिए । खेलमा सैनिकका राजेश परियार म्यान अफ द म्याच घोषित भए । उनलाई नुवाकोट फुटबल संघका महासचिव विष्णु प्रसाद चालिसेले पुरस्कृत गर्नुभयो ।

मनकामनाले खेल जितपछि एक खेल अगावै सुदुर पश्चिमको स्टार सिटी युवा क्लब कैलाली लिग च्याम्पियन बनेको छ । आज मनकामनाको जीतमा शुवन बस्नेतले सुरुआतको नबौं मिनेटमा गोल गरेर टोलीलाइ अग्रता दिलाएका थिए । त्यसपछि पेनाल्टी अवसरमा ५८औं मिनेटमा गोल गरेर अग्रतालाई दोब्बर बनाए । भुवन खेलको म्यान अफ द म्याचबाट पुरस्कृत भए । उनलाई बागमती प्रदेश फुटबल संघका वरिष्ट उपाध्यक्ष दिपक चित्रकारले पुरस्कृत गर्नुभयो । यसैगरी त्रिवेणीका लागि अविशेख लिम्बुले २९औं मिनेटमा गोल गरे । ५ खेल खेलेको स्टारले १३ अंक जोडेको छ । अब स्टारले आफ्नो अन्तिम खेल त्रिवेणीसँग खेल्नेछ । त्यो खेलको नतिजा जे आए पनि स्टार सिटी शीर्ष स्थानमा रहँदै च्याम्पियन बनेको हो । त्रिवेणीले ५ खेलमा ३ जीत २ हारको सामना गर्दै ९ अंक जोडेको छ भने मनकामनाले ५ खेलमा २ जीतसहित ६ अंक बनाएको छ । प्रतियोगिता अन्तर्गत् भोलि लुम्बिनी प्रदेशको धम्बोझी क्लब र कर्णालीको लेकाली युवा क्लब जुम्लावीच प्रतिष्पर्धा हुनेछ ।

चैतको १५ गतेसम्म चल्ने प्रतियोगितामा प्रदेश नम्बर १ को सैनिक फुटबल क्लब झापा, प्रदेश नम्बर २ को मनकामना युवा क्लब रौतहट, प्रदेश नम्बर ३ को धादिङ समाज धादिङ, प्रदेश नम्बर ४ बाट त्रिवेणी युवा क्लब लमजुङ, लुम्बिनी प्रदेशबाट धम्बोझी युवा क्लब बाँके, प्रदेश नम्बर ६ को लेकाली युवा क्लब जुम्ला र सुदुरपश्चिम प्रदेशको स्टार सिटी युवा क्लब कैलालीले प्रतिष्पर्धा गरिरहेका छन् । प्रतियोगिताको विजेताले १० लाख रुपैयाँ र उपविजेता टोलीले ५ लाख रुपैयाँ पाउनेछन् । अखिल नेपाल फुटबल संघले आयोजना गरेको पहिलो प्रतियोगिता हो एन्फा प्रेसिडेन्ट लिग । यस प्रतियोगिताको शीर्ष चार टोलीले राष्ट्रिय लिगमा प्रतिष्पर्धा गरिरहेका छन् ।

प्रकाशित मिति: शुक्रबार, चैत १३, २०७७ १९:०२

प्रतिक्रिया दिनुहोस्