एन्फा प्रेसिडेन्ट लिग: अपराजित हुँदै स्टार सिटी च्याम्पियन

खेलकुद

गृहपृष्ठ
खेलकुद
एन्फा प्रेसिडेन्ट लिग: अपराजित हुँदै स्टार सिटी च्याम्पियन

एन्फा प्रेसिडेन्ट लिग: अपराजित हुँदै स्टार सिटी च्याम्पियन

स्टार सिटी, धम्बोझी, मनकामना र त्रिवेणीले राष्ट्रिय लिग खेल्ने

आइतबार, चैत १५, २०७७ बागेश्वरी पोस्ट

नेपालगन्ज । सुदुरपश्चिमको स्टार सिटी युवा क्लब कैलालीले अपराजित यात्रालाई कायमै राख्दैे एन्फा प्रेसिडेन्ट लिग–२०७७ को च्याम्पियन बनेको छ ।

आज नेपालगन्ज रंगशालामा स्टारले गण्डकी प्रदेशको त्रिवेणी युवा क्लबलाई ३–२ ले पराजित गरेको छ । स्टार सिटीको तर्फबाट रुप बहादुर बहादुर लामाले ५३औं मिनेट, चेतमान कठायतले ५६औं मिनेट र ५९औं मिनेटमा गोल गरे । त्रिवेणीका विश्व अधिकारीले ८९औं मिनेट र सरोज योन्जनले ९०औं मिनेटमा गोल गरे ।

अर्को खेलमा प्रदेश नम्बर–२ को मनकामना युवा क्लब रौतहटले प्रदेश नम्बर–१ को सैनिक युथ क्लब झापालाई २–१ ले पराजित गरेको छ । मनकामनाको जीतमा भुवन बस्नेतले २९औं मिनेट र विके राईले ५८औं मिनेटमा गोल गरेका थिए । खेलमा मनकामनाका एन्जल श्रेष्ठ म्यान अफ द म्याच घोषित भए ।

आजको नतिजासँगै स्टार सिटी १६ अंक सहित शीर्ष स्थानमा रहँदा लुम्बिनी प्रदेशको धम्बोझी क्लब १२ अंक सहित दोस्रो, मनकामना युवा क्लब रौतहट तेस्रो र त्रिवेणी युवा क्लब चौथो स्थानमा रहँदै राष्ट्रिय लिगका लागि छनोट भएका छन् ।

च्याम्पियन बनेको स्टार सिटीले १० लाख, दोस्रो धम्बोझीले ५ लाख र फेयर प्ले टिमका रुपमा मनकामना युवा क्लबले ५० हजार प्राप्त ग¥यो । यसैगरी प्रतियोगितामा उत्कृष्ट रक्षक स्टारका धनराज थापा, स्टारकै राजेन्द्र रावल उत्कृष्ट मिडफिल्डर, धम्बोझीका निशान लिम्बु उत्कृष्ट स्ट्राइकर, स्टारका टेकेन्द्रसिंह थापा उत्कृष्ट गोलकिपर र उत्कृष्ट प्रशिक्षक स्टारका ललित चन्द्र घोषित भए । उनीहरुले समान रुपमा जनही २५ हजार पाए ।

प्रतियोगिताको सर्वोत्कृष्ट खेलाडी स्टार सिटीका रुप बहादुर विष्ट घोषित भए । उनले नगद रु ५० हजार प्राप्त गरे । प्रतियोगिताका विजयी खेलाडीलाई राष्ट्रिय खेलकुद परिषद्का सदस्य सचिव रमेश कुमार सिलवाल, एन्फा अध्यक्ष कर्माछिरिङ शेर्पा, नेपाल ओलम्पिक कमिटी सदस्य एवम एन्फा केन्द्रिय दीर्घ बहादुर केसी, लुम्बिनी प्रदेश फुटबल संघ अध्यक्ष भुपेन्द्र विक्रम थापा, उपाध्यक्ष अजित राज भण्डारी, सूर्यमणि अधिकारी, धनगढी उपमहानगरपालिका मेयर नृप बहादुर ओड र नेपालगन्ज उपमहानगरपालिका उपमेयर उमा थापामगर लगायतले पुरस्कृत गर्नुभयो ।

चैतको २ गतेबाट सुरु भएको प्रतियोगितामा सात प्रदेशका लिग च्याम्पियन टोलीले प्रतिष्पर्धा गरेका थिए । प्रतियोगिताको शीर्ष चार टिम र सहिद स्मारक ए डिभिजन लिगका शिर्ष ६ टोलीले राष्ट्रिय लिगमा प्रतिष्पर्धा गर्ने मौका पाउनेछन् ।

प्रकाशित मिति: आइतबार, चैत १५, २०७७ २१:१६

प्रतिक्रिया दिनुहोस्