मुख्यमन्त्री शाहीलाई विश्वासको मत, एमालेबाट ‘फ्लोर क्रस !

राजनीति

गृहपृष्ठ
राजनीति
मुख्यमन्त्री शाहीलाई विश्वासको मत, एमालेबाट ‘फ्लोर क्रस !

मुख्यमन्त्री शाहीलाई विश्वासको मत, एमालेबाट ‘फ्लोर क्रस !

शुक्रबार, वैशाख ३, २०७८ रासस

सुर्खेत । कर्णाली प्रदेशमा मुख्यमन्त्री महेन्द्रबहादुर शाहीले विश्वासको मत पाएका छन् ।

शुक्रबार कर्णाली प्रदेश सभामा भएको मतदानमा सहभागी ३७ मध्ये २२ मत प्राप्त गरेर मुख्यमन्त्री शाहीले विश्वासको मत पाएका छन् । एमालेबाट ४ मत फ्लोर क्रस भएर विश्वासको मत पाएसँगै मुख्यमन्त्री शाहीकाे सरकार जाेगिएकाे छ।

३९ सदस्यीय प्रदेशसभामा बहुमतका लागि शाहीलाई २० मत आवश्यक भएकोमा २२ मत प्राप्त गरे।

स्राेतका अनुसार एमाले माधव नेपाल समूहबाट फ्लोर क्रस भयाे। मुख्यमन्त्री शाहीको विश्वासको मतको पक्षमा नेपाल समूहका शीर्ष नेता प्रकाश ज्वालासहित अम्बर थापा, कुर्मराज शाही र नन्दसिंह बुढाले मतदान गरेका हुन् । यसअघि नै एमालेले उनको प्रस्तावको विपक्षमा मतदान गर्न ह्वीप जारी गरेकाे थियाे ।

प्रदेशसभामा मुख्यमन्त्री शाही आवद्ध दल माओवादी केन्द्रका १२ प्रदेशसभा सदस्य छन्। कांग्रेसकाे समर्थनसँगै उनले ६ मत पाए। एक सदस्य रहेको राप्रपा भने तटस्थ बसेकाे छ ।