‘फ्लोर क्रस’ गर्ने चार जना एमाले सांसद पदमुक्त

राजनीति

गृहपृष्ठ
राजनीति
‘फ्लोर क्रस’ गर्ने चार जना एमाले सांसद पदमुक्त

‘फ्लोर क्रस’ गर्ने चार जना एमाले सांसद पदमुक्त

आइतबार, वैशाख १२, २०७८ बागेश्वरी पोस्ट

नेपालगन्ज । नेकपा एमालेले कर्णाली प्रदेशका चार जना सांसदलाई पदमुक्त गरेको पत्र प्रदेशसभामा पेश गरेको छ । माधव नेपला समूहका चार जना सांसदले फ्लोर क्रस गर्दै मुख्यमन्त्री महेन्द्र बहादुर शाहीको पक्षमा मतदान गरेका थिए ।

आइतबार एमाले संसदीय दलका नेता यमलाल कँडेलले चार जना सांसद प्रकाश ज्वाला, कुर्मराज शाही, अम्मरबहादुर थापा र नन्दसिंह बुढालाई प्रदेशसभा सदस्य पदबाट मुक्त गराइएको पत्र प्रदेशसभामा दर्ता गरेका हुन् ।

उनीहरुलाई प्रदेश संसदीय दल वैशाख ३ र एमाले केन्द्रीय कमिटीको ६ गते बसेको बैठक स्पष्टिकरण सोधेको थियो ।

गैरजिम्मेवार, असंसदीय र लज्जास्पद गतिविधिबाट संसदीय लोकतन्त्र र दलीय पद्धतिमाथि आँच आउने काम गरेकाले उनीहरुलाई प्रदेशसभा संसदीय दलको सदस्य, प्रदेशसभा सदस्य र पार्टीको साधारण सदस्य समेतबाट निष्काशन गरेको पत्रमा उल्लेख छ ।

सभामुखले पदमुक्त भएको सूचना जारी गरेपछि उनीहरु औपचारिक रुपमा पदमुक्त हुनेछन् ।

प्रकाशित मिति: आइतबार, वैशाख १२, २०७८ १५:५९

प्रतिक्रिया दिनुहोस्