गण्डकी प्रदेश सभा स्थगितपछि सांसदको पीसीआर परीक्षण गरिँदै

राजनीति

गृहपृष्ठ
राजनीति
गण्डकी प्रदेश सभा स्थगितपछि सांसदको पीसीआर परीक्षण गरिँदै

गण्डकी प्रदेश सभा स्थगितपछि सांसदको पीसीआर परीक्षण गरिँदै

मंगलबार, वैशाख १४, २०७८ बागेश्वरी पोस्ट

पोखरा । गण्डकी प्रदेश सभाका सबै सांसदको कोभिड–१९ परीक्षण गरिने भएको छ ।

मंगलबार सत्तारुढ नेकपा एमालेका सांसदले परीक्षणविना सदन चल्न नदिने भन्दै अवरोध गरेपछि संसदीय कार्यव्यवस्था तथा परामर्श समितिको बैठकमा आज नै सांसदहरूको परीक्षण गर्ने निर्णय भएको हो ।

आज कोरोना परीक्षण गरे भोलिसम्म नतिजा आउने र सदन बस्ने समितिको निर्णय भएको छ। भोलि सदन बस्ने र पोजेटिभ आउने सांसदले बोल्न नपाउने तर मत भने हाल्न पाउने छन् ।

प्रदेश सरकारविरुद्धको अविश्वासको प्रस्तावमाथि मतदान गर्न बोलाइएको सभाको बैठकमा एमाले प्रदेशसभा सदस्य राजीव पहारीले बैठक अवरुद्ध गरेपछि बैठक स्थगित भएको थियो। उनले कोरोनाका कारण सरकारले २५ जनाभन्दा बढि भेला हुन नपाउने निर्देशनात्मक आदेश जारी गरिसकेको अबस्थामा प्रदेशसभा सञ्चालन नगर्न माग गरेका थिए ।

उनले प्रदेशसभा सदस्यहरुको कोरोना परीक्षण नगरी बैठक सञ्चालन गर्न नहुने भनाइ राखेपछि एमाले सांसदहरुले उठेर विरोध गरेका थिए ।

प्रकाशित मिति: मंगलबार, वैशाख १४, २०७८ १८:००