सांसद कृष्ण थापालाई कारवाही : संसदीय दलको नेताबाट हटायो

राजनीति

गृहपृष्ठ
राजनीति
सांसद कृष्ण थापालाई कारवाही : संसदीय दलको नेताबाट हटायो

सांसद कृष्ण थापालाई कारवाही : संसदीय दलको नेताबाट हटायो

बुधबार, वैशाख २९, २०७८ बागेश्वरी पोस्ट

पोखरा । गण्डकी प्रदेशमा नेपाली कांग्रेसको नेतृत्वमा नयाँ सरकार गठनका लागि सहमति नदिएका कृष्ण थापालाई राष्ट्रिय जनमोर्चाले संसदीय दलको नेताबाट हटाएको छ ।

बुधबार (आज) सचेतक पियारी थापाले प्रदेशसभा सदस्य थापालाई संसदीय दलको नेताबाट हटाएको पार्टीको निर्णय सभामुख नेत्रनाथ अधिकारीलाई जानकारी गराएकी हुन् ।

राष्ट्रिय जनमोर्चाका महासचिव मनोज भट्टका अनुसार कांग्रेस, माओवादी केन्द्र र जनता समाजवादी पार्टीसँग मिलेर सरकार निर्माणमा समर्थन गर्ने निर्णयविरुद्ध कार्य गरेकाले दलको नेताबाट हटाएको पत्रमा उल्लेख छ ।

यही वैशाख २६ गते मुख्यमन्त्री पृथ्वीसुब्बा गुरुङले राजीनामा दिएपछि प्रदेशप्रमुख सीताकुमारी पौडेलले तीन दिनभित्र दलहरूलाई नयाँ सरकार गठनका लागि आह्वान गरेको र उक्त समय सीमा आज दिउँसो ४ बजे सकिँदैछ ।