गण्डकी प्रदेशको मुख्यमन्त्रीमा कांग्रेसका नेपाली नियुक्त

राजनीति

गृहपृष्ठ
राजनीति
गण्डकी प्रदेशको मुख्यमन्त्रीमा कांग्रेसका नेपाली नियुक्त

गण्डकी प्रदेशको मुख्यमन्त्रीमा कांग्रेसका नेपाली नियुक्त

शनिबार, जेठ २९, २०७८ बागेश्वरी पोस्ट

नेपालगन्ज ।गण्डकी प्रदेशको मुख्यमन्त्रीमा कृष्णचन्द्र नेपाली नियुक्त भएका छन् । संविधानको धारा १६८ को उपधारा ९५० बमोजिम उनी मुख्यमन्त्रीमा नियुक्त भएका हुन्।

उनलाई गण्डकी प्रदेशका प्रदेश प्रमुख सीताकुमारी पौडेलले शनिबार मुख्यमन्त्रीमा नियुक्त गरेकी हुन् ।

गत बिहीबार पृथ्वीसुब्बा गुरुङ मुख्यमन्त्रीबाट पदमुक्त भएपछि शुक्रबार संविधानको धारा १६८ को उपधारा ९५० बमोजिम प्रक्रिया अघि बढाएकी थिइन् ।

सोही बमोजिम विपक्षी गठवन्धनले शुक्रबार साँझ नै प्रदेश प्रमुख समक्ष ३१ जनाको हस्ताक्षर बुझाएका थिए । हस्ताक्षर बुझाउन ३१ जना सांसद नै प्रदेश प्रमुखको निवासमा पुगेका थिए । नवनियुक्त मुख्यमन्त्री नेपालीले अबको एक महिनाभित्र प्रदेशसभाबाट विश्वासको मत लिनुपर्नेछ ।

मुख्यमन्त्री नेपालीलाई नेपाली कांग्रेसका १५, माओवादी केन्द्रका ११, जसपाका दुई, राष्ट्रिय जनमोर्चाका दुई र स्वतन्त्र सांसद राजीव गुरुङ (दीपक मनाङे) को समर्थन छ ।

प्रकाशित मिति: शनिबार, जेठ २९, २०७८ १८:११