यूरोकप:नेदरल्यान्ड,इङल्याण्ड र अस्ट्रिया बिजयी

खेलकुद

गृहपृष्ठ
खेलकुद
यूरोकप:नेदरल्यान्ड,इङल्याण्ड र अस्ट्रिया बिजयी

यूरोकप:नेदरल्यान्ड,इङल्याण्ड र अस्ट्रिया बिजयी

सोमबार, जेठ ३१, २०७८ बागेश्वरी पोस्ट

नेपालगन्ज । युरोकप फुटबलमा नेदरल्यान्ड्सले विजयी शुरूआत गरेको छ । आइतबार राति भएको खेलमा युक्रेनमाथि रोमाञ्चक जित निकाल्दै नेदरल्यान्ड्सले सुखद शुरूआत गरेको हो ।

युक्रेन ३–२ गोल अन्तरले पराजित भएको हो । एम्स्टरडामस्थित जोहन क्रुफ एरिनामा नेदरल्यान्ड्सलाई जित दिलाउन जर्जिनियो विज्नाल्डम, वाउट वेगहोर्स्ट र डेन्जल डम्फ्राइजले एक एक गोल गरे ।

२–० ले अग्रता लिएको नेदरल्यान्ड्स त्यसपछि बराबरीको स्थितिमा पुग्यो । २–० ले पछि परेको अवस्थामा युक्रेनका एन्ड्री यार्मोलेन्को र रोमन यारेमचुकले एक एक गोल फर्काएर बराबरीमा ल्याएका थिए ।

तर ८५ औं मिनेटमा डेन्जलले गोल गरेर नेदरल्यान्ड्सलाई जिताए । उनको यो पहिलो अन्तराष्ट्रिय गोल समेत हो ।

निकै फेयर भएको खेलको इन्जुरी समयमा युक्रेनका सर्हे सिडोर्चुकले पहेंलो कार्ड खाएका थिए ।

यस जितसँगै समूह सी को नेदरल्यान्ड्सले महत्वपूर्ण ३ अंक जोडेको छ ।

नेदरल्यान्ड्स समूहको दोस्रो स्थानमा रहेको छ। ३ अंक जोडेको अष्ट्रिया शीर्ष स्थानमा रहेको छ। अष्ट्रियाले नर्थ मेसेडोनियकालाई ३–१ गोल अन्तरले हरायो ।

त्यस्तै इङल्याण्डले क्रोयसियालाई १-० गोलले पराजित गरेको छ।

प्रकाशित मिति: सोमबार, जेठ ३१, २०७८ ०८:४३

प्रतिक्रिया दिनुहोस्