युरोकप:स्लोभाकियाद्वारा पोल्यान्ड पराजित,स्पेन र स्विडेनको बराबरी

खेलकुद

गृहपृष्ठ
खेलकुद
युरोकप:स्लोभाकियाद्वारा पोल्यान्ड पराजित,स्पेन र स्विडेनको बराबरी

युरोकप:स्लोभाकियाद्वारा पोल्यान्ड पराजित,स्पेन र स्विडेनको बराबरी

मंगलबार, असार १, २०७८ बागेश्वरी पोस्ट

नेपालगन्ज ।युरोकप फुटबलको १६ औं संस्करणमा स्लोभाकियाले विजयी शुरूआत गरेको छ । सोमबार राति भएको खेलामा पोल्याण्डलाई हराउँदै स्लोभाकियाले विजयी शुरूआत गरेको हो ।

१० खेलाडीमा समेटिएको पोल्याण्डलाई २–१ गोल अन्तरले पराजित भएको हो । रुसको सेन्ट पिटर्सवर्ग स्टेडियममा भएको खेलको १८ औं मिनेटमा पोल्याण्डका गोलकिपर वजचिएक सेचेज्नीको आत्मघाती गोलबाट स्लोभाकियाले अग्रता लिएको थियो ।

४६ औं मिनेटमा कारोल लिन्टीले गोल गर्दै पोल्याण्डलाई १–१ गोलको बराबरीमा फर्काए। ६२ औं मिनेटमा पोल्याण्ड १० खेलाडीमा समेटियो । मिडफिल्डर ग्रेगोर्ज क्रिचोवियकले दोहोरो पहेलो कार्डसहित रातो कार्ड पाउँदै मैदानबाट बाहिरिएका थिए । त्यसको सात मिनेटपछि मिलान स्क्रिनरले गोल गर्दै स्लोभाकियालाई २–१ ले जिताए ।

त्यस्तै स्पेनले फितलो शुरूआत गरेको छ । स्पेन सोमबार रातिको खेलमा स्वीडेनसँग बराबरी खेलेको हो । स्पेनको सेभियामा भएको खेलमा घरेलु टोलीले गोलरहित बराबरी खेलेको हो ।

घरेलु मैदानमा बल पोसेसनमा पकड जमाए पनि गोल गर्न नसक्दा स्पेनले बराबरीमा चित्त बुझाएको हो । अल्भारो मोराटा र जेरार्ड मोरेनोले गोल गर्ने उत्कृष्ट अवसर खेर फालेका थिए ।

त्यस्तै मार्कस बर्ग खाली नेटमा समेत गोल गर्न असफल भए । स्पेन ४–३–३ र स्वीडेन ४–४–२ को फर्मेशनमा खेलेको थियो ।

प्रकाशित मिति: मंगलबार, असार १, २०७८ ०९:३९

प्रतिक्रिया दिनुहोस्