दोस्रो जीतसहित अर्जेन्टिना नकआउट चरणमा

खेलकुद

गृहपृष्ठ
खेलकुद
दोस्रो जीतसहित अर्जेन्टिना नकआउट चरणमा

दोस्रो जीतसहित अर्जेन्टिना नकआउट चरणमा

मंगलबार, असार ८, २०७८ बागेश्वरी पोस्ट

नेपालगन्ज । ब्राजिलमा जारी कोपा अमेरिका फुटबल अन्तर्गत मङ्गलबार विहान भएको दोस्रो खेलमा अर्जेन्टिनाले जीत हासिल गरेको छ । अर्जेन्टिनाले पाराग्वेलाई १-० ले हराएको हो ।

अर्जेन्टिनाको जीतमा पहिलो हाफमा गोमेजले गरेको गोल नै निर्णायक बनेको थियो । १०औं मिनेटमा एन्जल डिमारियाको पासमा अलेजान्द्रो गोमेजले गोल गर्दै टोलीलाई अग्रता दिलाएका थिए।

दोस्रो हाफमा दुवै टोलीबाट गोलको प्रयास भएपनि थप गोल निस्कन नसक्दा अर्जेन्टिना साँघुरो जीतसहित ३ अंक बटुल्न सफल भयो ।

जीतसँगै ३ खेलबाट ७ अंक जोडेको अर्जेन्टिना एक खेल खेल्न बाँकी रहँदै नकआउट चरणमा प्रवेश गरेको छ । पराजित पाराग्वे २ खेलबाट ३ अंकसहित तेस्रो स्थानमा रहेको छ ।

प्रकाशित मिति: मंगलबार, असार ८, २०७८ ०८:२९

प्रतिक्रिया दिनुहोस्