युरोकप:पोर्चुगल र नेदरल्यान्ड बाहिरिए, बेल्जियम र चेक क्वाटरफाइनलमा

खेलकुद

गृहपृष्ठ
खेलकुद
युरोकप:पोर्चुगल र नेदरल्यान्ड बाहिरिए, बेल्जियम र चेक क्वाटरफाइनलमा

युरोकप:पोर्चुगल र नेदरल्यान्ड बाहिरिए, बेल्जियम र चेक क्वाटरफाइनलमा

सोमबार, असार १४, २०७८ बागेश्वरी पोस्ट

नेपालगन्ज । डिफेन्डिङ च्याम्पियन पोर्चुगल १६ औं संस्करणको युरोकप फुटबलको राउन्ड अफ सिक्सटिनबाटै बाहिरिएको छ । आइतबार राति स्पेनको सेभियास्थित स्टाडियो ला कुर्ट्जा स्टेडियममा भएको खेलमा बेल्जियमसँग पराजित हुँदै पोर्चुगल पहिलो नकआउट चरणबाटै बाहिरिएको हो ।

खेलमा पोर्चुगललाई १–० गोल अन्तरले पराजित गर्दै बेल्जियम अन्तिम आठमा पुगेको हो । बेल्जियमलाई जित दिलाउन थोर्गन हाजार्डले निर्णायक गोल गरे ।

खेलको ४२ औं मिनेटमा हाजार्डले बेल्जियमका लागि निर्णायक गोल गरेका हुन् । थोमस मुनिएरको पासमा उनले बक्स बाहिरबाट उत्कृष्ट गोल गरे।जितसँगै बेल्जियमले क्वार्टरफाइनलमा इटालीसँग प्रतिस्पर्धा गर्नेछ । अष्ट्रियालाई अतिरिक्त समयमा २–१ गोल अन्तरले हराउँदै इटाली क्वार्टरफाइनलमा पुगेको थियो ।

नेदरल्यान्ड-चेक रिपब्लिक

नेदरल्यान्ड्स स्तव्ध हुँदै १६ औं संस्करणको युरोकप फुटबलको राउन्ड अफ सिक्सटिनबाटै बाहिरिएको छ । प्रतियोगिता शुरु हुनुअघि उपाधि दावेदार मानिएको डच टोली चेक रिपब्लिकसग पराजित हुँदै बाहिरिएको हो ।

हंगेरीको पुस्कास एरिनामा आइतबार राति भएको राउन्ड अफ सिक्सटिनको खेलमा चेकले १० खेलाडीमा सीमित नेदरल्यान्ड्सलाई २–० गोल अन्तरले पराजित गरेको हो ।

चेकलाई जित दिलाउन टोमस होल्स र प्याट्रिक शिकले एक एक गोल गरे । खेलको ५५ औं मिनेटमा डिफेन्डर म्याथिस डी लिग्टले रातो कार्ड पाएपछि नेदरल्यान्ड्स १० खेलाडीमा समेटियो ।

त्यसपछि कमजोर बनेको डचमाथि हावी हुने क्रममा खेलको ६८ औं मिनेटमा टोमसले गोल गर्दै चेकलाई १–० को अग्रता दिलाए ।

८० औं मिनेटमा प्याट्रिकले गोल गर्दै चेकलाई २–० गोल अन्तरले जिताए । उनले जारी युरोमा चौथो गोल गरेका हुन् ।

नेदरल्यान्ड्स समूह सी को विजेता बन्दै नकआउट चरणमा स्थान बनाउन सफल भएको थियो । उसले निकालेको शतप्रतिशत जितको यात्रा भने राउन्ड अफ सिक्सटिनमै टुंगियो ।

चेक भने समूह डी बाट तेस्रो स्थानमा रहेर मुस्किलले अन्तिम १६ मा स्थान बनाएको थियो।

अब चेकले क्वार्टरफाइनलमा डेनमार्कसँग खेल्नेछ । डेनमार्क वेल्सलाई ४–० गोल अन्तरको फराकिलो अन्तरले हराएर अन्तिम आठमा स्थान बनाएको हो ।

प्रकाशित मिति: सोमबार, असार १४, २०७८ ०७:४२

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट