ब्राजिल कोपा अमेरिका फुटबलको सेमिफाइनलमा

खेलकुद

गृहपृष्ठ
खेलकुद
ब्राजिल कोपा अमेरिका फुटबलको सेमिफाइनलमा

ब्राजिल कोपा अमेरिका फुटबलको सेमिफाइनलमा

शनिबार, असार १९, २०७८ बागेश्वरी पोस्ट

नेपालगन्ज । फुटबल महारथी ब्राजिल कोपा अमेरिका फुटबल प्रतियोगिताको अन्तिम चार(सेमिफाइनल)मा प्रबेश गरेको छ। आज बिहान सम्पन्न क्वार्टरफाइनल खेलमा आयोजक ब्राजिलले बलियो प्रतिद्वन्द्वी चिलीलाई १–० गोलले पराजित गर्दै सेमिफाइनलमा आफ्नो स्थान पक्का गरेको हो।

खेलको ४७ औं मिनेटमा ब्राजिलका लुकास पाक्वेटाले गरेको गोलले ब्राजिल बिजयी बनेको हो। खेलको ४९ औं मिनेटमा ब्राजिल १० जना खेलाडीमा सिमित बनेको थियो। गाब्रियल जिससले चिलीका खेलाडीलाई सीधै लात्ताले फ्लाइङ किक प्रहार गरेपछि रेफ्रीले रातो कार्ड देखाएका थिए ।

सेमिफाइनलमा ब्रजिल पेरुसँग खेल्नेछ । पेरुले क्वार्टरफाइनलमा पाराग्वेलाई पेनाल्टी सुटआउटमा हराएको हो। यसअघिको लिग चरणमा ब्राजिलले पेरुलाई ४-० गोलले पराजित गरेको थियो।

प्रकाशित मिति: शनिबार, असार १९, २०७८ १०:२७