ब्राजिललाई हराउँदै अर्जेन्टिना कोपा अमेरिका फुटबलको च्याम्पियन

खेलकुद

गृहपृष्ठ
खेलकुद
ब्राजिललाई हराउँदै अर्जेन्टिना कोपा अमेरिका फुटबलको च्याम्पियन

ब्राजिललाई हराउँदै अर्जेन्टिना कोपा अमेरिका फुटबलको च्याम्पियन

आइतबार, असार २७, २०७८ बागेश्वरी पोस्ट

नेपालगन्ज । ब्राजिलमा सम्पन्न कोपा अमेरिका फुटबल प्रतियोगिताको उपाधि अर्जेन्टिनाले जितेको छ । आज बिहान भएको फाइनल खेलमा ब्राजिललाई १–० गोलले हराउँदै अर्जेन्टिना च्याम्पियन बनेको हो । अर्जेन्टिनाको जितमा एन्जल डी मारियाले खेलको २२ औं मिनेटमा गरेको गोल नै निर्णायक भयो ।

दोस्रो हाफमा ब्राजिलले निरन्तर आक्रमण गरेपनि खेल बराबरीमा ल्याउन सकेन । दोस्रो हाफमा रिचार्लिसनले गोल गरेपनि अफसाइड ठहर भएको थियो ।

अर्जेन्टिनाले पछिल्लोपटक सन् १९९३ मा कोपा अमेरिका जिते यता कुनै मुख्य प्रतियोगिता जित्‍न सकेको थिएन । स्टार खेलाडी लियोनल मेस्सीको कप्तानीमा अर्जेन्टिनाको यो पहिलो अन्तर्राष्ट्रिय उपाधि हो ।

अर्जेन्टिनाले कोलम्बियालाई पेनाल्टीमा हराएर फाइनल पुगेको थियो भने ब्राजिलले पेरुलाई हराएको थियो ।

सन् २०१५ र १६ को कोपामा फाइनलमा चिलीसँग टाइब्रेकरमा पराजित भएको अर्जेन्टिना सन् २०१९ मा ब्राजिलसँग सेमिफाइनलमा स्तब्ध बनेको थियो ।

प्रकाशित मिति: आइतबार, असार २७, २०७८ ०८:१६

प्रतिक्रिया दिनुहोस्