'फ्लोर क्रस' गर्ने कर्णालीका ४ एमाले सांसदको पदमुक्त गर्ने सर्वोच्चको आदेश [आदेशसहित]

राजनीति

गृहपृष्ठ
राजनीति
'फ्लोर क्रस' गर्ने कर्णालीका ४ एमाले सांसदको पदमुक्त गर्ने सर्वोच्चको आदेश [आदेशसहित]

'फ्लोर क्रस' गर्ने कर्णालीका ४ एमाले सांसदको पदमुक्त गर्ने सर्वोच्चको आदेश [आदेशसहित]

सोमबार, साउन १८, २०७८ बागेश्वरी पोस्ट

प्रदेश सभासदस्यहरू प्रकाश ज्वाला, अम्बरबहादुर थापा, कुर्मराज शाही र नन्द सिंह बुढा

नेपालगन्ज । 'फ्लोर क्रस' गर्ने कर्णाली प्रदेशसभाका ४ जना सांसदलाई निष्कासन गर्ने गरी यसअघि दिएको अन्तरिम आदेश सर्वोच्च अदालतले खारेज गरेको छ ।

नेकपा एमालेका अध्यक्ष केपी शर्मा ओलीले दिएको भ्याकेटमा सुनुवाई गर्दै प्रधानन्यायाधीश चोलेन्द्रशम्शेर जबरा र न्यायाधीश प्रकाशकुमार ढुंगानाको इजलासले 'फ्लोर क्रस' गर्ने चार सांसद प्रकाश ज्वाला, अम्मरबहादुर थापा, नन्दसिंह बुढा र कुर्मराज शाहीलाई निष्कासनको कारबाही गर्ने एमालेको निर्णय कानुन अनुसार नै देखिएको भन्दै यसअघि दिएको अन्तरिम आदेश खारेज गरेको हो ।

सर्वोच्च अदालतले पार्टीको ह्वीपविपरित 'फ्लोर क्रस' गरेर मुख्यमन्त्री महेन्द्रबहादुर शाहीलाई विश्वासको मत दिएका चार जनालाई एमालेले सांसदबाट निष्कासन गर्ने गरी गरेको निर्णय सदर गरेको छ।

यो आदेशसँगै प्रदेश सभासदस्यहरू प्रकाश ज्वाला, अम्बरबहादुर थापा, कुर्मराज शाही र नन्द सिंह बुढाको सांसद पद गएको छ।

यसअघि सर्वोच्च अदालतले केन्द्रीय समितिले कारबाही गर्नुपर्नेमा महाधिवेशनका लागि गठित समितिले उनीहरूलाई कारबाही गर्न नमिल्ने गरी अन्तरिम आदेश गरेको थियो।

आदेश हेर्नुस्: