भन्सार छलेर ल्याइएका ७८ लाखको मोबाइल बरामद

सुरक्षा-अपराध

गृहपृष्ठ
सुरक्षा-अपराध
भन्सार छलेर ल्याइएका ७८ लाखको मोबाइल बरामद

भन्सार छलेर ल्याइएका ७८ लाखको मोबाइल बरामद

शुक्रबार, साउन २२, २०७८ बागेश्वरी पोस्ट

नेपालगन्ज । ७८ लाख बराबरको भन्सार छलेर ल्याइएका ५ सय ९५ थान मोबाइल सहित दुईजनालाई प्रहरीले पक्राउ गरेको छ। प्रहरीले चेक जाँच का क्रममा मोबाइलसहित दुईजनालाई पक्राउ गरेको हो। दुम्किबास बाट पक्राउ परेका छन् ।

ईलाका प्रहरी कार्यालय नवलपुर दुम्किबासको टोलिले दुम्किबास प्रहरी चौकी अगाडी चेकजाँच गर्ने क्रममा प्रदेश ३-०१-२३ च ५५४४ नं को कारलाई चेक जाँच गर्ने क्रममा विभिन्न कम्पनी र मोडलका ५ सय ९५ थान सहित चितवन भरतपुर ८ का अर्जुन ढकाल र कार चालक ईन्द्रलाल श्रेष्ठलाई पक्राउ गरिएको जिल्ला प्रहरी कार्यालयका डिएसपी दिलीप कुमार गिरीले जानकारी दिएका छन् ।

बरामद गरिएका मोबाइलको बजार मूल्य ७८ लाख भन्दा धेरै हुने प्रारम्भिक अनुसन्धानबाट थाहा भएको डिएसपी गिरीले बताए ।उनीहरू दुवैजनालाई दुम्कीबास प्रहरीको हिरासतमा राखिएको छ ।

प्रकाशित मिति: शुक्रबार, साउन २२, २०७८ ११:०२

प्रतिक्रिया दिनुहोस्