दशरथ रंगशालाभित्रै प्रहरीद्वारा पत्रकार कुटपिट, पत्रकार अस्पतालमा

खेलकुद

गृहपृष्ठ
खेलकुद
दशरथ रंगशालाभित्रै प्रहरीद्वारा पत्रकार कुटपिट, पत्रकार अस्पतालमा

दशरथ रंगशालाभित्रै प्रहरीद्वारा पत्रकार कुटपिट, पत्रकार अस्पतालमा

मंगलबार, मंसिर २४, २०७६ बागेश्वरी पोस्ट

काठमाडौं। १३ औ दक्षिण एसियाली खेलकुद (साग) को समापन समारोहको दिन दशरथ रंगशाला हाताभित्रै प्रहरीले आज पत्रकारमाथि कुटपिट गरेको छ ।

रंगशालाबाहिर टिकट मूल्यवृद्धिको विरोधमा सर्वसाधारणको प्रदर्शन चलिरहँदा त्यसको रिपोर्टिङ गर्ने क्रममा नागरिक दैनिकका खेल पत्रकार सुमन चापागाईंलाई प्रहरीले कुटपिट गरेको हो ।

पत्रकार चापागाईंलाई डिएसपी एसएस राठोरलगायत प्रहरीले आधिकारिक एक्रिडेसन कार्ड लगाएको अवस्थामा नै कुटपिट गरेको हो । तीन प्रहरीले रंगशाला भित्र नै पत्रकार चापागाईंलाई कुटपिट गरेका थिए । उनको कानबाट समेत रगत आएपछि हाल उपचारका लागि अस्पताल लगिएको छ ।

प्रत्यक्षदर्शीका अनुसार पुलिसले सर्वसाधारणमाथि अत्याधिक दमन गरेपछि पत्रकार चापागाईंले रिपोर्टिङ गर्दा उनलाई अपशब्द बोल्दै आक्रमण गरिएको हो ।प्रहरीले केही सर्बसाधारणलाई समेत कुटपिट गरेको छ।श्रोत: हाम्रोखेलकुदडटकम

प्रकाशित मिति: मंगलबार, मंसिर २४, २०७६ १२:०१