ईपीएल केहिबेरमा सुरु हुँदै,शाहिद अफ्रिदी आज खेल्दै

खेलकुद

गृहपृष्ठ
खेलकुद
ईपीएल केहिबेरमा सुरु हुँदै,शाहिद अफ्रिदी आज खेल्दै

ईपीएल केहिबेरमा सुरु हुँदै,शाहिद अफ्रिदी आज खेल्दै

शनिबार, असोज ९, २०७८ बागेश्वरी पोस्ट

नेपालगन्ज । एभरेष्ट प्रिमियर लिग चौथो संस्करणको (ईपीएल) टी–२० क्रिकेट प्रतियोगिता केहिबेरपछि शुरु हुँदैछ । कीर्तिपुरस्थित टियु क्रिकेट मैदानमा हुने ईपीएलको उद्घाटन खेलमा डिफेन्डिङ च्याम्पियन ललितपुर प्याट्रियट्स र काठमाडौं किङ्स –११ बीच प्रतिस्पर्धा हुँदैछ ।

यो खेल निकै नै रोमाञ्चक हुने अपेक्षा गरिएको छ । किनकि दुवै टिममा अन्तर्राष्ट्रिय क्रिकेटरहरु पनि सहभागी हुनेछन् । ललितपुर र काठमाडौं बीचको पछिल्लो भेटमा ललितपुर बलियो देखिएको छ । ललितपुरले यस अघिको तीन भेटमा जित निकालेको थियो । यो खेल दिउँसो १२ः१५ बजेदेखि शुरु हुनेछ ।

ललितपुरको टिम
ललितपुर कुशल भुर्तेलको कप्तानीमा मैदानमा उत्रदै छ । नेपाली राष्ट्रिय टिमका कप्तान ज्ञानेन्द्र मल्लले नखेल्ने भएपछि कुशलले जिम्मेवारी पाएका हुन् ।

ललितपुरको टिममा श्रीलंकाका ओशाडा फर्नान्डो, सनदुन विराकोडी, अफगानिस्तानका आजमतुल्लाह ओमरजाई, भुटानका रानजुङ्ग मिक्यो दोर्जी र इङ्गल्याण्डका एलेक्स ब्लाके जस्ता खेलाडी रहेका छन् ।

काठमाडौंको टिम
काठमाडौं राष्ट्रिय टिमकै स्पीन बलर सन्दीप लामिछानेको कप्तानीमा मैदानमा उत्रनेछ ।

काठमाडौंको टिममा पाकिस्तानका पूर्व कप्तान शाहिद अफ्रिदी, अफगानिस्तानका रहमानउल्लाह गुर्बाज, सिंगापुरका जनक प्रकाश जस्ता खेलाडी रहेका छन् ।

अफ्रिदीले २ खेलमात्र खेल्नेछन् ।

तर दुखद पक्ष राष्ट्रिय टिमकै कप्तान ज्ञानेन्द्र मल्ल र पूर्व कप्तान पारस खड्काले भने ईपीएल खेल्ने छैनन् ।

यो प्रतियोगिताका प्रोमोटर आमिर अख्तरसँग सम्बन्ध राम्रो नभएकै कारण मल्ल र खड्काले नखेलेका हुन् ।

कस्तो छ सहभागीता
यसपालि अन्तर्राष्ट्रिय स्तरका खेलाडीहरु धेरै भएकाले रोमाञ्चकता देखिएको छ । चौथो संस्करणको प्रतियोगितामा ६ शहरका फ्रेन्चाइज टिमले सहभागिता जनाउँदै छन् ।

यसअघि पनि ६ टिमले नै सहभागीता जनाउने छन् । यसपालि पुरस्कार राशि पनि बढेको छ ।

प्रतियोगिताको विजेताले ५० लाख प्राप्त गर्नेछ। यस्तै उपविजेताले १५ लाख पाउने छ ।

प्रकाशित मिति: शनिबार, असोज ९, २०७८ १०:४२

प्रतिक्रिया दिनुहोस्