नरैनापुरमा खुला भलिबल प्रतियोगिता

खेलकुद

गृहपृष्ठ
खेलकुद
नरैनापुरमा खुला भलिबल प्रतियोगिता

नरैनापुरमा खुला भलिबल प्रतियोगिता

शनिबार, असोज २३, २०७८ बागेश्वरी पोस्ट

नरैनापुर(बाँके) । बाँकेको नरैनापुरमा खुला भलिबल प्रतियोगिता सुरु भएको छ ।

नरैनापुर गाउँपालिकाको सहयोगमा सृजनशील किशोरी क्लबको आयोजनामा सुरु भलिबल प्रतियोगिताको गाउँपालिकाका अध्यक्ष इस्तियाक अहमद शाहले उद्घाटन गरे । जयकिसान माविको प्राङ्गणमा अध्यक्ष शाहले रेफ्रीलाई बल हस्तान्तरण गरी कार्यक्रमको उद्घाटन गरेका हुन् ।

विजयादशमीको सन्दर्भमा आयोजित शुभकामना अदानप्रदान तथा खुला भलिबल प्रतियोगिता कार्यक्रमको उद्घाटन शत्र सृजनशील किशोरी क्लब नरैनापुरका अध्यक्ष अन्जली बोहराको अध्यक्षता तथा गाउँपालिका अध्यक्ष शाहको प्रमुख आतिथ्य एवम् नरैनापुर ६ का वडा अध्यक्ष विरेन्द्रपाल सिंहको विशिष्ट आतिथ्यतामा संचालन गरिएको हो ।

अध्यक्ष शाहले सहभागी नौ वटा टीमका खेलाडीहरुलाई अविर-टीका लगाई दशैंको शुभाशिर्वादसहित शुभकामना ज्ञापन गरेका थिए । प्रतियोगितामा तीन वटा विद्यालय र तीन वटा क्लब गरी छ वटा टीमको सहभागिता छ । महेन्द्र मावि मटेहिया, जयकिसान मावि भोजपुर, आदर्श मावि लक्ष्मणपुर, नमुना युवा क्लब कोहला, बगौडा युवा क्लब लक्ष्मणपुर र आजोजक सृजनशील किशोरी क्लबको सहभागिता रहेको प्रतियोगिताका व्यवस्थापक अरुण यादवले जानकारी दिए ।

प्रकाशित मिति: शनिबार, असोज २३, २०७८ ०८:०५

प्रतिक्रिया दिनुहोस्