राष्ट्रियसभा चुनावका लागि आजबाट दल दर्ता प्रक्रिया सुरु

राष्ट्रियसभा चुनाव २०८०

गृहपृष्ठ
राष्ट्रियसभा चुनाव २०८०
राष्ट्रियसभा चुनावका लागि आजबाट दल दर्ता प्रक्रिया सुरु

शुक्रबार, मंसिर २७, २०७६ बागेश्वरी पोस्ट

राष्ट्रिय सभा

काठमाडौं । आगामी माघ ९ गते हुने राष्ट्रियसभा चुनावका लागि आजबाट दल दर्ता सुरु भएको छ । निर्वाचन आयोगले गरेको आह्वान अनुसार आजबाट दल दर्ताको प्रक्रिया सुरु भएको हो ।

सरकारले राष्ट्रियसभाका रिक्त हुने १९ सदस्यका लागि चुनावको मिति घोषणा गरेपछि आयोगले दल दर्ताको सूचना जारी गरेको हो । आयोगले दल दर्ताको म्याद पुष ६ गतेसम्मका लागि तोकेको छ ।

यसअघि निर्वाचित भएका नेकपाका ८, नेपाली काँग्रेसका ७, राष्ट्रिय जनता पार्टीका २, समाजवादीका एक र सरकारबाट मनोनित एक जनाको कार्यकाल फागुन २१ मा सकिँदै छ । संवैधानिक व्यवस्थाअनुसार कार्यकाल सकिनुभन्दा ३५ दिनअघि चुनाव गरिसक्नु पर्छ ।

कार्यकाल सकिने सदस्यहरूमा नेकपाबाट हरिचरण शिवाकोटी, बलराम बास्कोटा, मीना बुढा, युटोल तामाङ, राजकुमार कुँवर, कमलाकुमारी ओली, कालिबहादुर मल्ल र खेमराज नेपाली रहेका छन् । कांग्रेसबाट राष्ट्रिय सभामा संसदीय दलका नेता सुरेन्द्रराज पाण्डे, सचेतक सरिता प्रसाईंसहित विन्दादेवी आले, बद्री पाण्डे, मुक्ताकुमारी यादव, दुर्गाप्रपसाद उपाध्याय र धनकुमारी खतिवडा रहेका छन् ।

राजपाका वृशेषचन्द्र लाल र रमेशप्रसाद यादव र समाजवादीका रामप्रित पासवानको पनि २ वर्षको कार्यकाल सकिँदैछ । यस्तै, सरकारबाट मनोनित भएका अर्थमन्त्री युवराज खतिवडाको पनि कार्यकाल पूरा हुँदैछ ।

प्रकाशित मिति: शुक्रबार, मंसिर २७, २०७६ १२:२२

प्रतिक्रिया दिनुहोस्