साफ च्याम्पियनसिप फाइनल:नेपाल र भारतबीच इतिहासकै आज सबैभन्दा कडा भिडन्त

खेलकुद

गृहपृष्ठ
खेलकुद
साफ च्याम्पियनसिप फाइनल:नेपाल र भारतबीच इतिहासकै आज सबैभन्दा कडा भिडन्त

साफ च्याम्पियनसिप फाइनल:नेपाल र भारतबीच इतिहासकै आज सबैभन्दा कडा भिडन्त

नेपाल धेरै बलियो टोली हो,आज भारतलाई निकै कठिन हुन्छ:भारतीय सहायक प्रशिक्षक

शनिबार, असोज ३०, २०७८ बागेश्वरी पोस्ट

नेपालगन्ज । आज राती नेपालले ऐतिहासिक फुटबल फाइनल खेल्दैछ। नेपाल दक्षिण एशियाकै सबैभन्दा बलियो प्रतिद्वन्द्वी भारतसँग माल्दिभ्समा जारी १३ औं साफ च्याम्पियनसिपको फाइनल खेल खेल्न लागेको हो। हालसम्म भएका प्रतियोगितामा पहिलो पटक फाइनलमा प्रवेश गरेको नेपाली राष्ट्रिय फुटबल टिमले उपाधी जितेर इतिहास रच्ने सुरमा छ।

आज राति ८ बजेर ४५ मिनेटमा मालेस्थित राष्ट्रिय रंगशालामा हुने फाइनल भिडन्तमा नेपालले भारतलाई पराजित गरेर सुनौलो इतिहास रच्ने सोचका साथमा मैदानमा उत्रिदै छ । यसपटक नेपाल एकदमै राम्रो फर्ममा रहि फाइनलमा प्रवेश गरेको हो।

"हामी गोर्खालीले जित्नका लागि हर प्रयास गर्नेछौ र भारतलाई पराजित गरेर गोर्खालीले एउटा सुनौलो इतिहास रचेर देश फर्किने छौ", नेपालका कप्तान किरण चेम्जोङले प्रतिक्रिया दिएका छन् ।

उता भारतीय सहायक प्रशिक्षक शानमुगम वेंकटेशले पनि नेपाल भारतका लागि सबैभन्दा बलियो प्रतिद्वन्द्वी रहेको बताएका छन् । नेपाल समूह चरणदेखी नै राम्रो नजिता निकालेर पुरै टिम कन्फिडेन्स र मोटिभेटेड भएको हुनाले आजको फाइनल खेल भारतका लागि निकै कठिन हुने वेंकटेशले प्रतिक्रिया दिएका छन् ।

नेपालले समूह चरणमा आयोजक माल्दिभ्सलाई १-० ,श्रीलंकालाई ३-२ पराजित गरेको थियो । समूह चरणमै बङलादेशसँग १-१ गोलले बराबरी खेलेको नेपाल भारतसँग १-० गोलले पराजित भएपनी ४ खेलम ७ अंक जोड्दै फाइनलमा प्रवेश गरेको थियो।

नेपाल र भारत अहिले सम्म २२ पटक आमनेसामने हुँदा नेपालले २ पटक भारतलाई पराजित गर्दा भारतसँग नेपाल १५ पटक पराजित भएको छ। दुबै देशले ५ पटक बराबरी खेल भएका छन् । भारत साफ च्याम्पियनशिपको ७ पटकको बिजेता हो भने नेपालले पहिलो पटक फाइनल यात्रा तय गरेको छ। उपाधी जति पटक जितेपनी यसपटक नेपाली खेलाडीहरुले भारतलाई पराजित गरेर सुनौलो इतिहास रच्दै देश फर्किने सोचका मैदानमा आज राती होमिदै छन् ।

प्रकाशित मिति: शनिबार, असोज ३०, २०७८ ०९:५२