नेपाली फुटबल टोली ९ बजे काठमाडौंमा अवतरण हुने

खेलकुद

गृहपृष्ठ
खेलकुद
नेपाली फुटबल टोली ९ बजे काठमाडौंमा अवतरण हुने

नेपाली फुटबल टोली ९ बजे काठमाडौंमा अवतरण हुने

सोमबार, कात्तिक १, २०७८ बागेश्वरी पोस्ट

नेपालगन्ज । नेपाली फुटबल टोली केहि बेरम नेपाल आइपुग्दै छ। २८ वर्षको साफ च्याम्पियनशिप फुटबल इतिहासमा पहिलो पटक फाइनलमा पुगेको नेपाली फुटबल टिम स्वदेश फर्किदैछ । माल्दिभ्समा आयोजना भएको साफ च्याम्पियनशिपको उपविजेता बनेको नेपाली टिम आजै बिहान नेपाल आउँदै छ ।

अखिल नेपाल फुटबल संघ (एन्फा)का अनुसार टिम बिहान ९ बजे त्रिभुवन अन्तराष्ट्रिय विमानस्थलमा आइपुग्नेछ । नेपाल अहिलेसम्म फाइनलमा पुग्न सकेको थिएनन् ।

यसपटक नेपालले लिग चरणमा दुई सफलता हासिल गर्ने क्रममा माल्दिभ्सलाई २२ वर्षपछि हरायो । नेपालले माल्दिभ्सलाई उसकै भूमिमा १–० ले हरायो । श्रीलंकामाथि ३–२ को जित निकाल्यो ।

बंगलादेशसँग १–१ को बराबरी गरेको नेपालले भारतसँग १–० को हारको सामना गर्यो ।

तर मालेमा शनिबार राति भएको फाइनलमा भने नेपाल भारतसँग ३–० ले पराजित भएको थियो । उपाधि जित्न नसके पनि नेपाली टिम रेकर्डधारी भएको छ । अब भने उपाधिका लागि दावेदार बनेको छ । भारत भने १३ औं संस्करणसम्म आइपुग्दा ८ पटकको च्याम्पियन बनेको छ ।

प्रकाशित मिति: सोमबार, कात्तिक १, २०७८ ०८:४७

प्रतिक्रिया दिनुहोस्