मन्त्री हमाललाई लोकतान्त्रिक खेलकुद संघको स्वागत र बधाई

खेलकुद

गृहपृष्ठ
खेलकुद
मन्त्री हमाललाई लोकतान्त्रिक खेलकुद संघको स्वागत र बधाई

मन्त्री हमाललाई लोकतान्त्रिक खेलकुद संघको स्वागत र बधाई

बिहीबार, कात्तिक ४, २०७८ बागेश्वरी पोस्ट

नेपालगन्ज । नेपाल लोकतान्त्रिक खेलकुद संघ लुम्विनी प्रदेश कमिटीले वन वातावरण तथा भूसंरक्षण मन्त्री सुरेन्द्र हमाललाई स्वागत गरेको छ । नेपालगन्जको सुनाखरी रेष्टुरेन्टमा आज एक कार्यक्रमको आयोजना गरी संघले नवनियुक्त मन्त्री हमाललाई स्वागत गर्दै बधाई ज्ञापन गरेको हो ।

नेपाल लोकतान्त्रिक खेलकुद संघ लुम्विनी प्रदेश कमिटीका संयोजक नरेन्द्र थापाले मन्त्री हमाललाई स्वागत गर्दै बधाई ज्ञापन गरेका थिए । कार्यक्रममा विभिन्न चाडपर्वहरुको अवसरमा शुभकामना आदानप्रदान पनि गरिएको छ । संयोजक थापाको अध्यक्षतामा भएको कार्यक्रममा बोल्दै नवनियुक्त मन्त्री हमालले परम्परागत तरिकाले खेलकुद अघि बढ्न नसक्ने भन्दै खेलकुद अगाडि बढाउन विज्ञानको सहारा लिनुपर्ने आवश्यकता औंल्याए । उनले भने-"शारीरिक बनोट र परिवारिक बंशाणुगत गुणको आधारमा खेलकुदमा लाग्न नयाँ पिढीँलाई प्रेरित गर्नुपर्दछ ।" उनले बेमौसमी बर्षाले किसानको धानबालीमा पु¥याएको क्षतीको लागि लुम्बिनी प्रदेश सरकारले राहतको व्यवस्था गर्ने बताए । उनले आफूले मुख्यमन्त्रीसंग कुरा गरेको बताउँदै पीडा खेपिरहेका किसानलाई राहत दिन प्रदेश सरकार प्रतिबद्ध रहेको बताए ।

खेलकुदसंग सम्बन्धित व्यक्तिहरुको बाक्लो उपस्थिति रहेको स्वागत, बधाई तथा शुभकामना आदानप्रदान कार्यक्रममा कांग्रेस बाँकेका सभापति किरण कोइराला, लुम्बिनी प्रदेश सांसद मो.याकुव अन्सारी, नेपालगञ्ज उपमहानगरपालिकाका उपमेयर उमा थापा मगर, संविधानसभा सदस्य अब्दुल हमिद सिद्धिकी, ओलम्पियन पार्वती थापा लगायत खेलाडी, प्रशिक्षक, खेल पदाधिकारी, राजनीतिक दलका नेता कार्यकर्ता, पत्रकार सहभागी थिए ।

No description available.