टी–२० विश्वकप क्रिकेट उपाधिका लागि अष्ट्रेलिया र न्यूजिल्याण्ड भिड्दै

खेलकुद

गृहपृष्ठ
खेलकुद
टी–२० विश्वकप क्रिकेट उपाधिका लागि अष्ट्रेलिया र न्यूजिल्याण्ड भिड्दै

टी–२० विश्वकप क्रिकेट उपाधिका लागि अष्ट्रेलिया र न्यूजिल्याण्ड भिड्दै

शुक्रबार, कात्तिक २६, २०७८ बागेश्वरी पोस्ट

नेपालगन्ज । टी–२० विश्वकप क्रिकेटको फाइनलमा अर्को राष्ट्र अष्ट्रेलिया प्रवेश गरेको छ ।अब उपाधिका लागि अष्ट्रेलिया र न्यूजिल्याण्ड भिड्ने भएका छन् । सेमिफाइनलमा आ–आफ्ना प्रतिद्वन्दी हराउँदै दुवै टिम फाइनलमा पुगेका हुन् ।

न्यूजिल्याण्ड पहिलो पटक फाइनलमा पुगेको हो । अष्ट्रेलिया दोस्रो पटक फाइनलमा पुगेको हो ।

फाइनल खेल आइतबार दुबईमा बेलुकी ७ः४५ बजे हुनेछ । दोस्रो सेमिफाइनलमा अष्ट्रेलियाले पाकिस्तानलाई ५ विकेटले हरायो । अपराजित रहँदै सेमिफाइनलमा पुगेको पाकिस्तान अष्ट्रेलियाविरुद्ध भने निरीह बन्यो । पहिलो सेमिफाइनलमा न्यूजिल्याण्डले पनि इङ्गल्याण्डलाई ५ विकेटले नै हरायो ।

न्यूजिल्याण्ड फाइनलमा, इङ्गल्याण्डसँग लियो बदला

पाकिस्तान अपराजित थियो । इङ्गल्याण्डले आफ्नो समूहका शुरुआती चार खेल जितेर अन्तिम खेल दक्षिण अफ्रिकासँग हारेको थियो ।

फाइनलमा पुगेको अष्ट्रेलियाले समूह चरणमा इङ्गल्याण्डसँग हार बेहोर्दा दक्षिण अफ्रिका, श्रीलंका, वेष्ट इन्डिज र बंगलादेशलाई हराएको थियो ।

न्यूजिल्याण्डले पाकिस्तानसँग पराजय बेहोर्दा भारत, अफगानिस्तान, नामिबिया र स्कटल्याण्डलाई हराएको थियो ।

प्रकाशित मिति: शुक्रबार, कात्तिक २६, २०७८ ०९:००