नेपालगञ्ज म्याराथनको उपाधि एपीएफका किरणसिंह बोगटीलाई

खेलकुद

गृहपृष्ठ
खेलकुद
नेपालगञ्ज म्याराथनको उपाधि एपीएफका किरणसिंह बोगटीलाई

नेपालगञ्ज म्याराथनको उपाधि एपीएफका किरणसिंह बोगटीलाई

शनिबार, मंसिर ४, २०७८ बागेश्वरी पोस्ट

नेपालगञ्ज । सातौं धारा नेपालगञ्ज म्याराथनको उपाधि सशस्त्र प्रहरी बल (एपीएफ) का किरणसिंह बोगटीले जितेका छन् ।

१३ औं सागका स्वर्णपदकधारी बोगटीले नेपालगञ्ज म्याराथनको पनि उपाधि जितेका छन् । बोगटीले ४२.१९५ किलोमिटर दुरी २ घण्टा २९ मिनेट ४१ सेकेन्डमा पूरा गरेर नेपालगञ्ज म्याराथन जितेका हुन् । गत वर्ष एपीएफकै गोपीचन्द्र पार्कीले नेपालगञ्ज म्याराथन २ घण्टा १८ मिनेट ५९ सेकेन्डमा पूरा गरेका थिए ।

बोगटीले नेपाली सेनाका नरेन्द्र रावललाई पछि पार्दै उपाधि जितेका हुन् । दोस्रो भएका रावलले २ घण्टा ३३ मिनेट २८ मिनेटमा म्याराथन पूरा गरेका छन् । सातौं धारा नेपालगञ्ज म्याराथनको उपाधि विजेता बोगटीले एक लाख रुपैयाँ पुरस्कार पाएका छन् । द्वितीय भएका रावतले ५० हजार रुपैयाँ पुरस्कार प्राप्त गरेका छन् भने तेश्रो स्थान प्राप्त गरेका आर्मीका सन्तोष बिष्टले ३० हजार रुपैयाँ पाए । उनले २ घण्टा ३३ मिनेट ३४ सेकेन्डमा सो दुरी पार गरेका थिए ।

हाफ म्याराथन धादिङकी सन्तोषी श्रेष्ठले जितेकी छन् । एपीएफकी पुष्पा भण्डारीलाई पछि पार्दै श्रेष्ठले हाफ म्याराथन जितेकी हुन् । सागकी स्वर्णपदकधारी श्रेष्ठले हाफ म्याराथन १ घण्टा १८ मिनेट ४८ सेकेन्डमा पूरा गरेकी हुन् । एपीएफकी भण्डारीले १ घण्टा १९ मिनेट १८ सेकेन्डमा दौड पूरा गरिन् । हाफ म्याराथन विजेता श्रेष्ठले ५१ हजार पुरस्कार पाएकी छिन् । द्वितीय हुन अफल भएकी भण्डारीले २५ हजार रुपैयाँ पाएकी छिन् ।तेस्रो भएकी सुर्खेतकी बिन्दु हमालले १५ हजार रुपैयाँ प्राप्त गरिन् । उनले १ घण्टा ३६ मिनेट ३९ सेकेन्डमा सो दुरी पूरा गरेकी थिइन् ।

नेपालगञ्ज म्याराथनको युवा तथा खेलकुद मन्त्री महेश्वरजंग गहतराज अथकले उद्घाटन गरेका थिए । महानायक राजेश हमाल पनि नेपालगन्ज म्याराथनमा उपस्थित भएका थिए । सरकार र तत्कालीन विद्राेही माओवादीबीच ५ मंसिर २०६३ मा भएको विस्तृत शान्ति सम्झौताको स्मरण गर्दै हरेक वर्ष मंसिर पहिलो शनिबार क्रियटिभ ह्याण्ड्सले नेपालगञ्ज म्याराथन आयोजना गर्दै आएकाे छ ।

प्रकाशित मिति: शनिबार, मंसिर ४, २०७८ १४:२९