रुकुम पश्चिमका मानबहादुर नेपाली केन्द्रिय सदस्यका उम्मेदवार

राजनीति

गृहपृष्ठ
राजनीति
रुकुम पश्चिमका मानबहादुर नेपाली केन्द्रिय सदस्यका उम्मेदवार

रुकुम पश्चिमका मानबहादुर नेपाली केन्द्रिय सदस्यका उम्मेदवार

बुधबार, मंसिर २२, २०७८ बागेश्वरी पोस्ट

नेपालगञ्ज । नेपाली कांग्रेसका युवा नेता तथा रुकुम कांग्रेसका पूर्व जिल्ला सभापति मानबहादुर नेपालीले केन्द्रिय सदस्यमा उम्मेदवारी दिने भएका छन् । नेपाली कांग्रेसको १४औं महाधिवेशनमा दलित कोटाबाट उम्मेदवारी दिने उनले बताए । नेता नेपाली नेपाली कांग्रेसभित्र दलित समुदायबाट पहिलो जिल्ला पार्टी सभापति भएका व्यक्ति हुन् ।

उनी नेपाली कांग्रेसको १३औं महाधिवेशनमा केन्द्रिय सदस्यमा झिनो मत अन्तरले पराजित भएका थिए । उनी २०६७ सालदेखि २०७२ माघ २५ गतेसम्म साविक रुकुम जिल्लाको सभापति भएका थिए । राष्ट्रिय दलित आयोगका पूर्व अध्यक्ष समेत रहेका नेता नेपालीले माओबादीको उद्गम थलो मानिने रुकुममा लोकतन्त्र जोगाउन अनवरतरुपमा लागि परेको दाबी गर्छन् ।

‘अहिलेसम्म रुकुमबाट कांंग्रेसको कोही पनि केन्द्रिय सदस्य भएको छैन,’ उनले भने, ‘समग्र कर्णाली प्रदेशको दलितको नेतृत्व गर्दै म उम्मेदवारी दिन चाहन्छु ।’ उनले संस्थापन पक्षबाट उम्मेदवारी दिने बताए ।

प्रकाशित मिति: बुधबार, मंसिर २२, २०७८ १०:५१

प्रतिक्रिया दिनुहोस्