लक्ष्य युवा क्लब तुलसीपुर र सक्सेस फुटबल क्लब विजयी

खेलकुद

गृहपृष्ठ
खेलकुद
लक्ष्य युवा क्लब तुलसीपुर र सक्सेस फुटबल क्लब विजयी

लक्ष्य युवा क्लब तुलसीपुर र सक्सेस फुटबल क्लब विजयी

बिहीबार, पुस १५, २०७८ बागेश्वरी पोस्ट

लक्ष्मण बस्नेत/ दाङ । दाङमा जारी एन्फा जिल्ला लिग फुटबल प्रतियोगिता २०७८ को आज सम्पन्न खेलहरुमा लक्ष्य युवा क्लब तुलसीपुर १५ र सक्सेस फुटबल क्लब तुलसीपुरले विजयी सुरुवात गरेका छ्न् ।

अखिल नेपाल फुटबल संघ एन्फाको कार्यक्रम अनुसार दाङ जिल्ला फुटबल संघको आयोजनामा संचालित प्रतियोगितामा टाईगर युवा क्लब तुलसीपुरलाई २-० गोल अन्तरले पराजित गर्दै लक्ष्य युवा क्लबले विजयी सुरुवात गरेको हो । यस्तै युनाईटेड युथ क्लब तुलसीपुरलाई ३-० गोलले पराजित गर्दै सक्सेस फुटबल क्लबले विजयी सुरुवात गरेको हो । उता घोराहीको भरतपुर खेल मैदानमा भएको खेलमा राप्ती फुटबल क्लब र युएनबिसी घोराहीले अंक बाडेका छन् ।

कडा प्रतिस्पर्धा र रोमाञ्चक खेलमा दुबै तर्फबाट निर्धारित समयसम्म कुनै गोल हुन नसकेपछि अंक बाँडेका हुन । जिल्ला लिग अन्तर्गत घोराहीको भरतपुर खेलमैदानमा ५ वटा क्लब र तुलसीपुर तर्फ ५ वटा क्लब एक आपसमा आमनेसामने भईरहेका छन् । यता तुलसिपुरमा शुक्रबार पहिलो खेल १२ बजे युनाईटेड युथ क्लब तुलसीपुर र टाईगर युवा क्लब भिड्दैछन् । त्यस्तै दिउँसो २ बजे हुने खेलमा लक्ष्य युवा क्लब र एसएसएफए तुलसीपुर आमनेसामने हुनेछ्न् ।

उता घोराहीमा शुक्रबार हुने पहिलो खेलमा न्यु स्टार फुटबल क्लब नारायणपुर र नवलपुर फुटबल एकेडेमी भिड्नेछन् । यस्तै दिउँसो साढे २ बजे हुने खेलमा राप्ती फुटबल क्लब र किशान जागृती भिड्ने आयोजकले जानकारी दिएको छ । २९ गते सम्म संचालन हुने प्रतियोगितामा जिल्लामा स्थापित १० वटा क्लबहरुको सहभागिता रहेको छ ।

प्रकाशित मिति: बिहीबार, पुस १५, २०७८ १९:२४