नेपाली फुटबल टोलीको उत्कृष्ट प्रदर्शनप्रति खेलकुद मन्त्रीद्वारा बधाई

खेलकुद

गृहपृष्ठ
खेलकुद
नेपाली फुटबल टोलीको उत्कृष्ट प्रदर्शनप्रति खेलकुद मन्त्रीद्वारा बधाई

नेपाली फुटबल टोलीको उत्कृष्ट प्रदर्शनप्रति खेलकुद मन्त्रीद्वारा बधाई

बुधबार, माघ १९, २०७८ बागेश्वरी पोस्ट

नेपालगन्ज । युवा तथा खेलकुद मन्त्री महेश्वरजंग गहतराज (अथक) ले नेपाली राष्ट्रिय फुटबल टिमका खेलाडीहरुलाई बधाई दिनुभएको छ । अफ्रिकी देश मौरिसससँगको मैत्रिपूर्ण खेलमा जित हासिल गरेको नेपाली टिमलाई मन्त्री अथकले बधाई दिनुभएको हो ।

दशरथ रंगशालामा मंगलबार बेलुका भएको दोस्रो मैत्रिपूर्ण खेलमा नेपालले मौरिससलाई १–० गोलले पराजित गरेको थियो । यसअघि गत शनिबार भएको पहिलो खेलमा समेत नेपाल बिजयी भएको थियो । अफ्रिकन देशसँग पहिलो पटक भएका दुबै मैत्रिपूर्ण खेल हेर्न मन्त्री अथक स्वयं रंगशालामा उपस्थित हुनुभएको थियो । रंगशालामा उपस्थित भई प्रत्यक्ष खेल हेर्नुभएका मन्त्री अथकले नेपाली खेलाडीहरुको खेलबाट आफु प्रभावित भएको प्रतिक्रिया दिनुभएको छ ।

प्रतियोगिता समयभरी निकै उत्साहित देखिनुभएका मन्त्री अथकले नेपाली खेलाडीहरुले स्तरीय खेल प्रदर्शन गरेको भन्दै खुसी समेत ब्यक्त गर्नुभएको छ । मन्त्री अथकले नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीको समेत प्रशंसा गर्नुभएको छ ।

साथै पहिलोपटक मैत्रिपूर्ण खेलका लागि नेपाल आएको मौरिससको टिमलाई मन्त्री अथकले धन्यवाद दिनुभएको छ ।

प्रकाशित मिति: बुधबार, माघ १९, २०७८ १०:०६

प्रतिक्रिया दिनुहोस्