बाँके जिल्ला लिग र अधिवेशनको मिति घोषणा

खेलकुद

गृहपृष्ठ
खेलकुद
बाँके जिल्ला लिग र अधिवेशनको मिति घोषणा

बाँके जिल्ला लिग र अधिवेशनको मिति घोषणा

बुधबार, फागुन ४, २०७८ बागेश्वरी पोस्ट

नेपालगञ्ज । बाँके जिल्ला फुटबल संघले चुनावी साधारणसभा र जिल्ला लिग फुटबल गर्ने निर्णय गरेको छ ।

आज बाँके जिल्ला फुटबल संघका अध्यक्ष भोजराज शाहीको अध्यक्षमा बसेको बैठकले फागुन २१ गते नयाँ नेतृत्व चयन गर्ने गरी चुनावी साधारणसभा गर्ने निर्णय गरेको हो ।

साधारणसभामा बाँके जिल्लाका १२ वटा क्लबका प्रतिनिधि तथा फुटबलकर्मीले चुनावी साधारणसभामा भाग लिनेछन् । यसैगरी कार्यसमिति बैठकले जिल्ला लिग फुटबल फागुन १४ गतेदेखि गर्ने निर्णय गरेको छ । जिल्ला लिगमा ११ क्लबले प्रतिस्पर्धा गर्नेछन् । बाँके जिल्ला फुटबल संघका अध्यक्ष शाहीले आज बसेको बैठकले जिल्ला लिग फुटबल र चुनाव गर्ने निर्णय गरेको बताए ।

उनले भने, ‘जिल्ला लिग फुटबल र चुनावी साधारणसभा हाम्रो संघका लागि महत्वपूर्ण कुरा हुन् । यसअघि कोभिडको कारण यी कुराहरु गर्न सकिएको थियो । अवस्था सहज भएपछि हामीले गर्ने निर्णय गरेका हौं । यसले बाँकेको फुटबललाई गतिशील बनाउन सहयोग गर्ने हाम्रो विश्वास छ ।’

प्रकाशित मिति: बुधबार, फागुन ४, २०७८ २०:०७

प्रतिक्रिया दिनुहोस्