चौथो मेयर कप छात्र क्रिकेटमा सिद्धार्थ बिद्या सदनको रोमाञ्चक जित

खेलकुद

गृहपृष्ठ
खेलकुद
चौथो मेयर कप छात्र क्रिकेटमा सिद्धार्थ बिद्या सदनको रोमाञ्चक जित

चौथो मेयर कप छात्र क्रिकेटमा सिद्धार्थ बिद्या सदनको रोमाञ्चक जित

अर्को खेलमा होलील्याण्डद्वारा ब्राइटल्याण्ड पराजित

मंगलबार, फागुन २४, २०७८ बागेश्वरी पोस्ट

नेपालगञ्ज । सिद्धार्थ विद्या सदन र होलील्याण्डले अन्तर स्कुल मेयर तथा उप–मेयर क्रिकेट प्रतियोगितामा आज जित हासिल गरेका छन् ।

कोहलपुर क्रिकेट मैदानमा सिद्धार्थले नेपालगञ्ज मोडेल एकेडेमी विरुद्धको खेलमा १ रनको रोमाञ्चक जित हासिल गरेको छ । टस जितेर ब्याटिङ गरेको सिद्धार्थले २० ओभरमा ९ विकेटको नोक्सानीमा १ सय ३३ रन बनाएको थियो । टोलीका लागि प्रदिप कोरीले ३४ रन, आयुश गुरुङले १६ रन जोडे । नेपालगञ्ज मोडेलका हिमाल विष्ट र हिमाल कुँवरले ३–३ विकेट लिए ।

जवाफमा नेपालगञ्जले २० ओभरमा ९ विकेटको क्षतिमा १ सय ३२ रन मात्र जोड्न सकेको थियो । नेपालगञ्जका लागि विवेक पुन मगरले सर्वाधिक ४१ रन बनाए । जिसन बस्नेत र राजेन्द्र मौर्यले समानरुपमा अविजित १० रन जोडेका थिए । म्यान अफ द म्याच सिद्धार्थका सुमित ठाकुरले सर्वाधिक ५ विकेट लिए । उनले ४ ओभरमा २७ रन खर्चेका थिए । यसैगरी प्रदिप कोरीले २ विकेट लिए ।

यसैगरी अर्को खेलमा होलील्याण्डले ब्राइटल्याण्डलाई ६७ रनले पराजित गरेको छ । टस जितेर ब्याटिङ गरेको होलील्याण्डले १८.३ ओभरमा १ सय ४३ रन बनाएर अलआउट भयो । होलील्याण्डका लागि हर्सिलजंग शाहीले सर्वाधिक ४२ रन बनाए । ब्राइटल्याण्डका दिपेश परियारले ३ विकेट लिएका थिए । १ सय ४४ रनको लक्ष्य लिएर मैदानमा उत्रिएको ब्राइटल्याण्ड १५.६ ओभरमा ७६ रन बनाएर अलआउट भएको थियो । खेलमा ४२ रन र ४ विकेट लिएका होलिल्याण्डका हर्सिलजंग शाही म्यान अफ द म्याच घोषित भए ।

प्रकाशित मिति: मंगलबार, फागुन २४, २०७८ २०:५२

प्रतिक्रिया दिनुहोस्