बाँके जिल्ला लिग फुटबलको उपाधि न्यु डाँफे स्पोर्ट्स क्लबलाई

खेलकुद

गृहपृष्ठ
खेलकुद
बाँके जिल्ला लिग फुटबलको उपाधि न्यु डाँफे स्पोर्ट्स क्लबलाई

बाँके जिल्ला लिग फुटबलको उपाधि न्यु डाँफे स्पोर्ट्स क्लबलाई

मंगलबार, चैत १, २०७८ बागेश्वरी पोस्ट

नेपालगञ्ज । न्यु डाँफे स्पोर्ट्स क्लबले बाँके जिल्ला लिग फुटबलको उपाधि जितेको छ ।

नेपालगञ्ज रंगशालामा आज भएको फाइनल खेलमा न्यु डाँफेले युनाइटेड युथ क्लबलाई ३–१ ले हरायो । न्यु डाँफेको तर्फबाट बिमल बस्नेतले २ गोल र प्रेम सुनारले १ गोल गरे । प्रतियोगिताको सर्वोत्कृष्ट खेलाडीबाट पुरस्कृत भएका बिमलले खेलको २३औं र ५७औं मिनेटमा गोल गरेका थिए । न्यु डाँफेका प्रेम सुनारले ७१औं मिनेटमा गोल गरे । युनाइटेडका लागि विभुषण केसीले पहिलो हाफको इन्जुरी समयमा (४१औं मिनेट) गोल गरेका थिए ।

विजेता न्यु डाँफेले ३१ हजार नगर, मेडल, ट्रफी र प्रमाणपत्र तथा उप–विजेता युनाइटेडले २१ हजार नगद, ट्रफी, मेडल र प्रमाणपत्र प्राप्त गरेको छ । विजयी खेलाडीलाई नेपालगञ्ज उप–महानगरपालिका मेयर डा. धवल समशेर राणा, उप–मेयर उमा थापामगर, भैरव प्रसाद गण इमाम नगर ब्यारेक राँझाका गणपति प्रमुख सेनाली जनमत कार्की, आयोजक बाँके जिल्ला फुटबल संघका अध्यक्ष भोजराज शाही, जिल्ला खेलकुद विकास समिति अध्यक्ष मोहित शाह, बर्दिया जिल्ला फुटबल संघका अध्यक्ष अजित राजभण्डारी, लुम्बिनी प्रदेश खेलकुद विकास समिति नेपालगञ्जका कार्यालय प्रमुख महेश चन्द, नेपाल उद्योग वाणिज्य संघका निवर्तमान केन्द्रीय सदस्य कृष्ण प्रसाद श्रेष्ठ, बाँके बर्दिया मैत्री समाजका उपाध्यक्ष बिनोद वली लगायतले पुरस्कृत गरेका थिए ।

बाँके जिल्ला फुटबल संघको आयोजनामा भएको जिल्ला लिगमा बाँकेका ११ क्लबले भाग लिएका थिए । जिल्ला लिगको विजेता न्यु डाँफेले लुम्बिनी प्रदेशस्तरको लिग फुटबलमा बाँकेको प्रतिनिधित्व गर्नेछ ।

प्रकाशित मिति: मंगलबार, चैत १, २०७८ २०:५६

प्रतिक्रिया दिनुहोस्