प्रधानमन्त्री कप महिला भलिबलःआर्मीको पनि विजयी सुरुवात

खेलकुद

गृहपृष्ठ
खेलकुद
प्रधानमन्त्री कप महिला भलिबलःआर्मीको पनि विजयी सुरुवात

प्रधानमन्त्री कप महिला भलिबलःआर्मीको पनि विजयी सुरुवात

बिहीबार, चैत १०, २०७८ बागेश्वरी पोस्ट

नेपालगञ्ज । आठौं सगरमाथा सिमेन्ट प्रधानमन्त्री कप महिला भलिबल प्रतियोगितामा त्रिभुवन आर्मी क्लबले पनि विजयी सुरुवात गरेको छ । प्रतियोगिताको दोस्रो खेलमा आर्मीले न्यू डायमण्डलाई ३-१ को सेटमा हराएको हो ।

पहिलो सेट आर्मीले २५-१५ ले जित्यो । तर, निकै प्रतिष्पर्धात्मक दोस्रो सेट न्यू डायमण्डले २९-२७ ले आफ्नो पक्षमा पार्यो । तेस्रो र चौथो सेट भने आर्मीले क्रमशः २५-१६ र २५-२२ ले जित्यो । पहिलो खेल नेपाल पुलिस क्लबले ३-० को सोझो सेटमा जितेको थियो । पुलिसले आयोजक लुम्बिनीलाई हराएको हो ।

लिगकम नकआउटका आधारमा नेपालगञ्ज रंगशालास्थित कभर्डहलमा भइरहेको प्रतियोगितामा नेपाल पुलिस क्लब, त्रिभुवन आर्मी क्लब, न्यु डायमन्ड एकेडेमी, आयोजक लुम्बिनी युनाइटेड, भारतको छत्तीसगढ स्पोर्ट्स एकेडेमी (महाराष्ट्र) र हरियाणा स्पोर्ट्स क्लब सहभागी छन् ।

चैत १४ गतेसम्म चल्ने प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्ने प्रधानमन्त्री कपका संस्थापक अध्यक्ष टीएस ठकुरीले बताए ।

आजदेखि सुरु भएको प्रतियोगिताको युवा तथा खेलकुद मन्त्री महेश्वरजंग गहतराज 'अथक' ले उद्घाटन गरेका हुन् । उद्घाटन समारोह मूल आयोजक समिति संयोजक लुम्बिनी प्रदेश सांसद कृष्णा केसी 'नमुना' को सभापतित्वमा सम्पन्न भएको थियो ।

प्रकाशित मिति: बिहीबार, चैत १०, २०७८ २०:१४

प्रतिक्रिया दिनुहोस्