इटाली फेरि बिश्वकप फुटबलमा छनौट भएन

खेलकुद

गृहपृष्ठ
खेलकुद
इटाली फेरि बिश्वकप फुटबलमा छनौट भएन

इटाली फेरि बिश्वकप फुटबलमा छनौट भएन

शुक्रबार, चैत ११, २०७८ बागेश्वरी पोस्ट

नेपालगन्ज । चार पटकको बिश्वकप च्याम्पियन इटाली फेरि पनि कतार बिश्वकप खेल्नबाट बन्चित बनेको छ । सन् २०१८ को रसिया बिश्वकपमा समेत छनौट हुन नसकेको इटाली कतारमा हुने आगामी विश्वकप खेल्न नपाउने भएको हो ।

२०२० को युरोकप च्याम्पियन रहेको इटाली नर्थ मासेडोनियासँग प्ले अफमा पराजित भएपछि उसको बिश्वकप खेल्ने सपना अधुरो नै रहेको छ ।

नर्थ मासेडोनियाका अलेक्जान्दर त्रास्कोभ्स्कीले ९२औं मिनेटमा गोल गरेपछि मासेडोनियाको बेन्चमा उल्लासको वातावरण बनेको थियो ।इटालीका खेलाडी र अफिसियल भने घरेलु समर्थकका अगाडि घुँडा टेकेर निराश देखिएका थिए ।

नर्थ म्यासेडोनियासँग १–० गोलले स्तब्ध हुँदै युरोकपको च्याम्पियन इटाली विश्वकपमा छनोटबाट बाहिरिएको हो । अब इटालीलाई बिश्वकप फुटबलमा भाग लिन फेरि चार बर्ष कुर्नुपर्ने छ ।

प्रकाशित मिति: शुक्रबार, चैत ११, २०७८ ०८:२७

प्रतिक्रिया दिनुहोस्