प्रधानमन्त्री कप महिला भलिबलः हरियाणा र न्यू डायमण्डको जीत

खेलकुद

गृहपृष्ठ
खेलकुद
प्रधानमन्त्री कप महिला भलिबलः हरियाणा र न्यू डायमण्डको जीत

प्रधानमन्त्री कप महिला भलिबलः हरियाणा र न्यू डायमण्डको जीत

शुक्रबार, चैत ११, २०७८ बागेश्वरी पोस्ट

नेपालगञ्ज । आठौं सगरमाथा सिमेन्ट प्रधानमन्त्री कप महिला भलिबल प्रतियोगितामा हरियाणा स्पोर्ट्स क्लबले विजयी सुरुवात गरेको छ ।

नेपालगञ्ज कभर्डहलमा भएको आजको पहिलो खेलमा हरियाणाले नेपाल पुलिस क्लबलाई ३-२ को सेटमा हराएको हो । लगातार दुई सेट २५-१७ र २५-२० मा जितेको पुलिसले पछिल्ला तीन सेट भने गुमायो । पछिल्ला तीन सेट हरियाणाले २५-१८, २५-१८ र १५-१३ ले आफ्नो पक्षमा पार्यो । पुलिसले आफ्नो पहिलो खेलमा भने जीत निकालेको थियो ।

आजै भएको दोस्रो खेलमा न्यू डायमण्डले एकलब्य स्पोर्ट्स कम्प्लेक्स छत्तिसगढलाई ३-० को सोझो सेटमा हरायो । न्यू डायमण्डले २५-१२, २५-८ र २५-५ को सेटमा छत्तिसगढलाई हराएको हो । न्यू डायमण्ड पहिलो खेलमा पराजित भएको थियो ।

लिगकम नकआउटका आधारमा नेपालगञ्ज रंगशालास्थित कभर्डहलमा भइरहेको प्रतियोगितामा नेपाल पुलिस क्लब, त्रिभुवन आर्मी क्लब, न्यु डायमन्ड एकेडेमी, आयोजक लुम्बिनी युनाइटेड, एकलब्य स्पोर्ट्स कम्प्लेक्स छत्तिसगढ र हरियाणा स्पोर्ट्स क्लब सहभागी छन् ।

चैत १४ गतेसम्म चल्ने प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्ने प्रधानमन्त्री कपका संस्थापक अध्यक्ष टीएस ठकुरीले बताए ।

प्रकाशित मिति: शुक्रबार, चैत ११, २०७८ २०:१४

प्रतिक्रिया दिनुहोस्