नेपाल पुलिस क्लब प्रधानमन्त्री कप महिला भलिबलको फाइनलमा

खेलकुद

गृहपृष्ठ
खेलकुद
नेपाल पुलिस क्लब प्रधानमन्त्री कप महिला भलिबलको फाइनलमा

नेपाल पुलिस क्लब प्रधानमन्त्री कप महिला भलिबलको फाइनलमा

फाइनलमा पुलिससंग भारतको हरियाणा भिड्ने

आइतबार, चैत १३, २०७८ बागेश्वरी पोस्ट

नेपालगन्ज । नेपाल पुलिस क्लब आठौं सगरमाथा सिमेन्ट प्रधानमन्त्री कप महिला भलिबल प्रतियोगिताको फाइनलमा प्रवेश गरेको छ ।

नेपालगन्ज रंगशालाको कभर्ड हलमा आज भएको दोस्रो सेमीफाइनलमा त्रिभुवन आर्मीलाई ३-० को सोझो सेटमा हराउँदै पुलिसले फाइनल यात्रा तय गरेको हो । निकै प्रतिष्पर्धात्मक खेलमा पुलिसले आर्मीलाई २५-१८, २५-२३ र २८-२६ को सेटमा हराएको हो ।

भोली पुलिस र भारतको हरियाणा स्पोर्ट्स क्बल बीच फाइनल खेल हुनेछ । हरियाणाले आजै पहिलो खेलमा न्यू डायमण्डलाई हराउँदै फाइनल यात्रा तय गरेको हो ।

प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्ने प्रधानमन्त्री कपका संस्थापक अध्यक्ष टीएस ठकुरीले बताए ।

प्रकाशित मिति: आइतबार, चैत १३, २०७८ १७:५१