प्रधानमन्त्री कप महिला भलिबलमा पुलिस र हरियाणाबीच उपाधि भिडन्त भोली

खेलकुद

गृहपृष्ठ
खेलकुद
प्रधानमन्त्री कप महिला भलिबलमा पुलिस र हरियाणाबीच उपाधि भिडन्त भोली

प्रधानमन्त्री कप महिला भलिबलमा पुलिस र हरियाणाबीच उपाधि भिडन्त भोली

आइतबार, चैत १३, २०७८ बागेश्वरी पोस्ट

नेपालगञ्ज । नेपालगञ्जमा जारी प्रधानमन्त्री कप महिला भलिबल प्रतियोगितामा नेपाल पुलिस क्लब र भारतको हरियाणा स्पोर्ट्स क्लब फाइनलमा प्रवेश गरेका छन् ।

पुलिसले त्रिभुवन आर्मी क्लब र हरियाणाले न्यू डायमण्ड क्लबलाई पराजित गर्दै फाइनलको यात्रा तय गरेका हुन् । सोमबार दिउँसो पुलिस र हरियाणा उपाधिका लागि भिड्नेछन् । तेस्रो स्थानका लागि आर्मी र एकेडेमी बीच सोमबार बिहान खेल हुनेछ ।

प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्ने प्रधानमन्त्री कपका संस्थापक अध्यक्ष टीएस ठकुरीले बताए । प्रतियोगिता चैत १० गतदेखि शुरु भएको हो ।

प्रकाशित मिति: आइतबार, चैत १३, २०७८ २१:२०

प्रतिक्रिया दिनुहोस्