प्रधानमन्त्री कप महिला भलिबलको फाइनलमा नेपाल र भारतको भिडन्त हुँदै

खेलकुद

गृहपृष्ठ
खेलकुद
प्रधानमन्त्री कप महिला भलिबलको फाइनलमा नेपाल र भारतको भिडन्त हुँदै

प्रधानमन्त्री कप महिला भलिबलको फाइनलमा नेपाल र भारतको भिडन्त हुँदै

सोमबार, चैत १४, २०७८ बागेश्वरी पोस्ट

नेपालगञ्ज । नेपालगञ्जमा जारी प्रधानमन्त्री कप महिला भलिबल प्रतियोगितामा फाइनल खेल आज दिउँसो हुँदैछ । फाइनलमा नेपालको पुलिस क्लब र भारतको हरियाणा स्पोर्ट्स क्लब भिड्दैछन् ।

सेमिफाइनलमा पुलिसले आर्मी क्लब र हरियाणाले न्यू डायमण्ड क्लबलाई पराजित गर्दै फाइनलको यात्रा तय गरेका हुन् । आजको फाइनल खेल २ बजे सुरु हुनेछ भने तेस्रो स्थानका लागि आर्मी र एकेडेमी बीच केही बेरपछि खेल हुनेछ ।

प्रतियोगितामा विजेताले ५ लाख, उपविजेताले २ लाख ५० हजार, तेस्रो हुनेले एक लाख र चौथो हुनेले ५० हजार रुपैयाँ प्राप्त गर्ने प्रधानमन्त्री कपका संस्थापक अध्यक्ष टीएस ठकुरीले बताए । प्रतियोगिता चैत १० गतदेखि शुरु भएको थियो ।

प्रकाशित मिति: सोमबार, चैत १४, २०७८ ०७:३१

प्रतिक्रिया दिनुहोस्