मतगणना नसकिँदै नेपालगञ्जको मेयर प्रशान्त र उपमेयर कमरुद्दिन !

आम निर्वाचन-२०७९

गृहपृष्ठ
आम निर्वाचन-२०७९
मतगणना नसकिँदै नेपालगञ्जको मेयर प्रशान्त र उपमेयर कमरुद्दिन !

मतगणना नसकिँदै नेपालगञ्जको मेयर प्रशान्त र उपमेयर कमरुद्दिन !

शुक्रबार, जेठ ६, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका २३ वडा मध्ये २१ वडाको अन्तिम मतपरिणाम सार्वजनिक भइरहँदा मेयरमा प्रशान्त विष्ट र उपमेयरमा कमरुद्दिन राई स्पष्ट जीतको हकदार बनेका छन् । २ वटा वडाको अन्तिम मतपरिणाम नआउँदै विष्ट र राईको अग्रता फराकिलो रहेकाले उनीहरुले जितिसकेको अवस्था छ ।

वडा नम्बर १३ र १४ को मतगणना पनि अन्तिम चरणमा पुगिसकेको छ । हालसम्म गणना भएका २१ वडाको अन्तिम मतपरिणाम अनुसार नेपाली कांग्रेसका विष्टले २१६७८ मत ल्याएर जित सुनिश्चित गरिसकेका छन् । उनी नेकपा एमालेका पशुपतिदयाल मिश्र भन्दा १०६८६ मतले अघि छन् । जबकि वडा नम्बर १३ र १४ को खसेको मत ३६ सयको हाराहारीमा छ । त्यसकारण विष्टको जित भइसकेको छ । मेयरमा तेस्रो स्थानमा रहँदै राप्रपाका नन्दलाल बैश्यले ७१४५ मत पाएका छन् ।

उपमेयरमा पनि जनता समाजवादी पार्टी (जसपा) नेपालका राईको पनि जित सुनिश्चित भइसकेकोे छ । उनले १६११८ मत पाएका छन् । जबकि एमालेकी शान्तिदेवी ढकालले १०४१४ मत ल्याएकी छन् । उनीहरुको मतान्तर ५७०४ छ । तेस्रोमा रहेकी राप्रपाकी विन्दु चर्ती मगरले ९६४८ मत पाएकी छिन् ।

प्रकाशित मिति: शुक्रबार, जेठ ६, २०७९ ०६:३८

प्रतिक्रिया दिनुहोस्