नेपालगञ्ज उपमहानगरपालिकामा कार्यपालिका सदस्य चुन्न आज निर्वाचन हुँदै

आम निर्वाचन-२०७९

गृहपृष्ठ
आम निर्वाचन-२०७९
नेपालगञ्ज उपमहानगरपालिकामा कार्यपालिका सदस्य चुन्न आज निर्वाचन हुँदै

नेपालगञ्ज उपमहानगरपालिकामा कार्यपालिका सदस्य चुन्न आज निर्वाचन हुँदै

विहान १० बजेदेखि दिउँसो २ बजेसम्म मतदान

सोमबार, जेठ १६, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाको कार्यपालिका सदस्य चुन्न आज निर्वाचन हुँदैछ । आज विहान १० बजेदेखि दिउँसो २ बजेसम्म मतदान हुनेछ । मुख्य निर्वाचन अधिकृत खडानन्द तिवारीका अनुसार ८ जना कार्यपालिका सदस्य चुन्न शिक्षा विकास तथा समन्वय इकाई बाँकेको नेपालगञ्जस्थित कार्यालयमा रहेको मुख्य निवाचन अधिकृतको कार्यालयमा निर्वाचन हुुँदैछ ।

नेपालगञ्ज उपमहानगरपालिकामा वडामा निर्वाचित महिला सदस्यहरु मध्येबाट ५ जना र दलित/अल्पसंख्यकबाट ३ जना गरी ८ जना कार्यपालिका सदस्य चुनिनेछन् । नेपालगञ्जमा ११७ जना नवनिर्वाचित जनप्रतिनिधि मतदाता छन् । यहाँ नेपाली कांग्रेस, नेकपा माओवादी केन्द्र र राप्रपाबीच तालमेल भएको छ । यी तीन दलसंग ६७ मत छ, जुन स्पष्ट बहुमत हो । जबकि बैशाख ३० गते सम्पन्न स्थानीय तहको निर्वाचनमा मेयर र उपमेयरमा जसपा गठबन्धनमा थियो । तर, कार्यपालिका सदस्य निर्वाचनमा भने बाहिरिएको छ ।

प्रकाशित मिति: सोमबार, जेठ १६, २०७९ ०९:१०