कतार विश्वकपमा अष्ट्रेलिया एसियाबाट छनौट

खेलकुद

गृहपृष्ठ
खेलकुद
कतार विश्वकपमा अष्ट्रेलिया एसियाबाट छनौट

कतार विश्वकपमा अष्ट्रेलिया एसियाबाट छनौट

मंगलबार, जेठ ३१, २०७९ बागेश्वरी पोस्ट

नेपालगन्ज । कतार विश्वकप २०२२ मा एसियाबाट अष्ट्रेलिया छनोट हुन सफल भएको छ । अन्तर महादेशीय छनोटमा दक्षिण अमेरिकी देश पेरुलाई पराजित गर्दै अष्ट्रेलिया विश्वकपमा छनौट भएको हो ।

गएराति भएको खेलमा निर्धारित ९० र अतिरिक्त ३० मिनेटमा कुनै गोल नभएपछि खेलको छिनोफानो पेनाल्टी सुट आउटमा भएको थियो । जहाँ पेनाल्टीमा समेत ४–४ को बराबरी भएपछि खेलको नतिजा सडन डेथमा भएको थियो । अष्ट्रेलियाका भेट्रान गोलरक्षक आन्द्रे रेडमायने नायक बने । ३३ वर्षीय खेलाडीले पेरुका एलेक्स भालेराको पेनाल्टी बचाए ।

यससँगै एसियाबाट जापान, साउदी अरेबिया, दक्षिण कोरिया, इरान, अष्ट्रेलिया र कतार गरी ६ टिमले विश्वकपमा सहभागीता जनाउने भएका छन् । आयोजकका कारण कतार सोझै छनौट भएको थियो । विश्वकपमा खेल्ने ३२ टिममध्ये अब एउटा मात्र टिमको छिनोफानो हुन बाँकी छ । आज राति कोस्टारिका र न्यूजील्याण्डबीचको प्लेअफ सकिएपछि सबै टिमको छिनोफानो हुनेछ ।

प्रकाशित मिति: मंगलबार, जेठ ३१, २०७९ ०८:५६