कांग्रेस बाँकेले खेलकुद मन्त्री अथकलाई भेट्यो

खेलकुद

गृहपृष्ठ
खेलकुद
कांग्रेस बाँकेले खेलकुद मन्त्री अथकलाई भेट्यो

कांग्रेस बाँकेले खेलकुद मन्त्री अथकलाई भेट्यो

शनिबार, असार ११, २०७९ बागेश्वरी पोस्ट

नेपालगञ्ज । नेपाली कांग्रेस बाँकेले काठमाण्डौमा युवा तथा खेलकुद मन्त्री महेश्वरजंग गहतराज 'अथक'लाई भेटेको छ ।

सभापति नारायणप्रसाद गौडेलको नेतृत्वमा मन्त्री अथकलाई भेटेको कांग्रेस टोलीले कोहलपुरस्थित प्रस्तावित अन्तर्राष्ट्रिय क्रिकेट मैदानको शिघ्र निर्माण, नेपालगञ्ज रंगशालाको स्तरोन्नति र व्यवस्थापन, अन्तर्राष्ट्रियस्तरमा समेत ख्याती कमाएका बाँकेका खेलाडीहरुलाई जिम्मेवारी प्रदान र व्यवस्थापन लगायतका विषयमा ध्यानाकर्षण गराएको भेटमा सहभागी नेपाली कांग्रेस बाँके क्षेत्र नम्बर १ का क्षेत्रीय सभापति पोषण केसीले बताए ।

त्यसक्रममा मन्त्री अथकले कोहलपुर क्रिकेट मैदानका लागि ३ करोड रुपैयाँ छुट्याइएको जानकारी दिँदै निर्माण कार्यलाई अब तीब्र गतिमा अघि बढाउने बताए । उनले यो बजेटमा पनि भारी बृद्धि हुने र टेण्डर प्रक्रियामा जाने बताए । त्यस्तै उनले नेपालगञ्ज रंगशालालाई अन्तर्राष्ट्रियस्तरको बनाउने योजना अनुरुप अहिले स्तरोन्नतिको काम भइरहेको जानकारी दिए । उनका अनुसार नेपालगञ्ज रंगशालाको सेन्थेटिक ट्रयाकका लागि चालू आर्थिक बर्षमै १३ करोड ८५ लाख रुपैयाँ विनियोजन भई टेण्डर भइसकेको बताए ।

मन्त्री अथकले आगामी आर्थिक बर्षमा खेलकुका लागि बाँकेमा ९ करोड १४ लाख ४६ हजार रुपैयाँ बजेट विनियोजन भएको जानकारी दिए । मन्त्री अथकलाई भेट्न सभापति गौडेल, कोषाध्यक्ष यज्ञबहादुर बस्नेत, प्रबक्ता डिल्ली गिरी, क्षेत्रीय सभापति केसी लगायत पुगेका थिए ।

प्रकाशित मिति: शनिबार, असार ११, २०७९ ११:००