लुम्बिनी प्रदेश स्तरिय राष्ट्रपति रनिङ शील्ड जारी,कराते र उसुमा बाँके च्याम्पियन

खेलकुद

गृहपृष्ठ
खेलकुद
लुम्बिनी प्रदेश स्तरिय राष्ट्रपति रनिङ शील्ड जारी,कराते र उसुमा बाँके च्याम्पियन

लुम्बिनी प्रदेश स्तरिय राष्ट्रपति रनिङ शील्ड जारी,कराते र उसुमा बाँके च्याम्पियन

शनिबार, असार २५, २०७९ बागेश्वरी पोस्ट

लक्ष्मण बस्नेत/ दाङ। दाङको बेल्झुन्डीमा जारी प्रथम लुम्बिनी प्रदेश स्तरिय राष्ट्रपति रनिङ शील्ड प्रतियोगिता २०७९ अन्तर्गतको आज सम्पन्न कराते खेलतर्फ बाँके जिल्ला च्याम्पियन भएको छ ।

युवा तथा खेलकुद मन्त्रालयको तत्त्वावधान तथा लुम्बिनी प्रदेश खेलकुद परिषदको आयोजनामा संचालित प्रतियोगितामा ३ स्वर्ण , १ रजत र २ कास्य पदक हात पार्दै बाँके च्याम्पियन भएको हो । बाँकेले जिल्ला च्याम्पियनको ट्रफी हात पार्‍यो ।

त्यस्तै कपिलवस्तु २ स्वर्ण ,१ कास्य पदकका साथ द्वितिय हुँदा दाङ १ स्वर्ण, २ रजत र ३ कास्य पदक सहित तृतिय भयो । प्रतियोगिता अबधिभर छात्रतर्फ उत्कृष्ट खेल प्रदर्शन गर्ने गुल्मी जिल्लाका हिमाल क्षेत्री र छात्रामा दाङकी डोल्मा थापा उत्कृष्ट खेलाडी घोषित भए ।

यसैबिच आज तुलसीपुरमा सम्पन्न भएको उसु खेलमा बाँके च्याम्पियन भएको छ । ४ स्वर्ण,१ रजत पदक जित्दै बाँके उसु खेलको च्याम्पियन भएको हो । त्यस्तै बर्दिया २ स्वर्ण ,२ रजत र १ कास्य पदकका साथ द्वितिय हुँदा कपिलवस्तु १ स्वर्ण, २ रजत र १ कास्य पदक हात पार्दै तृतीय भयो ।

छात्रतर्फ बाँकेका सुदिप रोका मगर र छात्रामा बर्दियाकी लिन्दा दहित उत्कृष्ट खेलाडी घोषित भए । यसैबिच प्रतियोगिताको दोस्रो दिनसम्म एथलेटिक्सतर्फ बाँके ९ स्वर्ण,३ रजत र २ रजत पदकका शिर्ष स्थानमा रहदा बर्दिया ५ स्वर्ण,५ रजत र ६ कास्य पदक जित्दै दोस्रो र दाङ ३ स्वर्ण,४ रजत र ५ कास्य पदकका साथ तृतीय स्थानमा रहेको छ ।

प्रतियोगिता अन्तर्गत एथलेटिक्स तर्फ ३ हजार मिटर,हाईजम्प र ४ गुणे ४०० रिले,भलिबल,कबडी,तेक्वान्दो,छात्र/ छात्राको फाईनल खेल आईतबार बिहान हुने खेल संयोजक तथा लुम्बिनी प्रदेश खेलकुद परिषद सदस्य हरिश वलिले जानकारी दिएका छन् । सदस्य वलीका अनुसार प्रतियोगिताको समापन समारोह आइतवार दिउँसो हुनेछ ।

प्रकाशित मिति: शनिबार, असार २५, २०७९ २०:४१

प्रतिक्रिया दिनुहोस्